ཉེ་ཆར། གཞིས་རྩེ་གྲོང་ཁྱེར་འཕྲལ་སྡོམ་དོ་དམ་ཅུས་ཀྱིས་འཕྲལ་སྡོམ་དོ་དམ་ཁོངས་གཏོགས་ཀྱི་ཕྱོགས་བསྡུས་སྲིད་འཛིན་ཁྲིམས་འཛིན་རུ་ཁག་ལ་གོ་མཚོན་སྤྲོད་པའི་མཛད་སྒོ་འཚོགས་ཤིང་། གཞིས་རྩེ་གྲོང་ཨུད་དང་། གྲོང་ཁྱེར་སྲིད་གཞུང་། གྲོང་ཁྱེར་འཕྲལ་སྡོམ་དོ་དམ་ཅུས། མེ་ཟོན་རོགས་སྐྱོབ་ཉིང་ལག་རུ་ཁག ནགས་ཚལ་མེ་ཟོན་རོགས་སྐྱོབ་རུ་ཆེན་བཅས་ཀྱི་འབྲེལ་ཡོད་འགན་འཁུར་བློ་མཐུན་གོ་མཚོན་སྤྲོད་པའི་མཛད་སྒོར་ཞུགས་པ་རེད། ཤེས་རྟོགས་བྱུང་བར་གཞིགས་ན། ད་ཐེངས་ཀྱི་གོ་མཚོན་སྤྲོད་པའི་མཛད་སྒོ་དེ་གཞིས་རྩེ་གྲོང་ཁྱེར་འཕྲལ་སྡོམ་དོ་དམ་ཕྱོགས་བསྡུས་སྲིད་འཛིན་ཁྲིམས་འཛིན་རུ་ཁག་ཚད་ལྡན་ཅན་དང་ཆེད་ལས་ཅན་འཛུགས་སྐྱོང་གི་ལམ་ཚད་རྡོ་རིང་ཞིག་ཡིན་པ་དང་དེ་ཐོག་ནས་འཕྲལ་སྡོམ་དོ་དམ་ཕྱོགས་བསྡུས་སྲིད་འཛིན་ཁྲིམས་འཛིན་སྒྱུར་བཅོས་སྐས་རིམ་གསར་པར་སླེབས་པ་དང་བདེ་འཇགས་ཐོན་སྐྱེད་ཁྲིམས་འཛིན་ལས་དོན་དུས་མཚམས་གསར་པར་སླེབས་པ་མཚོན་གྱི་ཡོད། འདི་ནི་ལས་གོས་གསར་པ་གྱོན་པའི་འཕྲལ་སྡོམ་ཁོངས་གཏོགས་ཀྱི་ཁྲིམས་འཛིན་མི་སྣ་ཡིན་པ།