དུས་ཚིགས་དང་པོ་ནས་གསུམ་པའི་བར་རང་རྒྱལ་གྱི་མཁའ་རླུང་དང་ས་ངོས་ཆུའི་ཁོར་ཡུག་གི་སྤུས་ཚད་ཁྱོན་ཡོངས་ནས་ལེགས་སུ་ཕྱིན་པ།
གསར་འགོད་པས་སྐྱེ་ཁམས་ཁོར་ཡུག་པུའུ་ནས་ཤེས་རྟོགས་བྱས་པར། ད་ལོའི་དུས་ཚིགས་དང་པོ་ནས་གསུམ་པའི་བར་རང་རྒྱལ་གྱི་མཁའ་རླུང་གི་སྤུས་ཚད་དང་ས་ངོས་ཀྱི་ཆུའི་ཁོར་ཡུག་གི་སྤུས་ཚད་སྤྱི་ཡོངས་རྒྱུན་མཐུད་ལེགས་སུ་ཕྱིན་ཡོད་པ་རེད།
མཁའ་རླུང་གི་སྤུས་ཚད་ཐད། ས་ཁུལ་རིམ་པ་དང་དེ་ཡན་གྱི་གྲོང་ཁྱེར་339ཡི་སྦགས་བཙོག་དངོས་པོ་གཙོ་བོའི་དམིགས་ཚད་ཁག་6ནས“བཞི་ཆག་པ་དང་གཉིས་མཉམ་པ”དང་། ས་ཁུལ་རིམ་པ་དང་དེ་ཡན་གྱི་གྲོང་ཁྱེར་339ཡི་ཆ་སྙོམས་མཁའ་རླུང་སྤུས་ཚད་ལེགས་པའི་ཉིན་གྲངས་ཀྱི་བསྡུར་གྲངས་85.8%ཟིན་པ་དེ་དུས་མཚུངས་ལས་བརྒྱ་ཆའི་གྲངས་1.6འཕར་ཡོད། སྦགས་བཙོག་ཚབས་ཆེན་དང་དེ་ཡན་གྱི་སྦགས་བཙོག་ཡོད་པའི་ཆ་སྙོམས་ཉིན་གྲངས་ཀྱི་བསྡུར་ཚད་1.1%ཟིན་པ་དེ་དུས་མཚུངས་ལས་བརྒྱ་ཆའི་གྲངས་0.7ཆག་ཡོད་པ་རེད།
གཙོ་གནད་ས་ཁོངས་ནས་བལྟས་ན། པེ་ཅིང་དང་། ཐེན་ཅིན། ཧོ་པེ་བཅས་དང་དེ་བཞིན་མཐའ་འཁོར་ས་ཁུལ་གྱི“2+36”གྲོང་ཁྱེར་གྱི་PM2.5ཡི་ཆ་སྙོམས་གར་ཚད་སྨི་རྒྱ་དཔངས་གྲུ་བཞི་རེར་ཝའེ་ཁེ་39ཟིན་པ་དེ་དུས་མཚུངས་དང་མཉམ་པ་དང་། གནམ་གཤིས་ཡག་པོ་བསྟན་པའི་ཆ་སྙོམས་ཉིན་གྲངས་ཀྱི་བསྡུར་ཚད་65.0%ཟིན་པ་དེ་དུས་མཚུངས་ལས་བརྒྱ་ཆའི་གྲངས་4.1འཕར་ཡོད་པ་རེད། འབྲི་ཆུའི་ཟུར་གསུམ་ཁུལ་གྱི་གྲོང་ཁྱེར་31གི་PM2.5ཡི་ཆ་སྙོམས་གར་ཚད་སྨི་རྒྱ་དཔངས་གྲུ་བཞི་རེར་ཝའེ་ཁེ་32ཟིན་པ་དེ་དུས་མཚུངས་ལས་6.7%འཕར་བ་དང་། གནམ་གཤིས་ཡག་པོ་བསྟན་པའི་ཆ་སྙོམས་ཉིན་གྲངས་ཀྱི་བསྡུར་ཚད་79.2%ཟིན་པ་དེ་དུས་མཚུངས་ལས་བརྒྱ་ཆའི་གྲངས་0.9ཆག་ཡོད་པ་རེད།
ས་ངོས་ཆུའི་ཁོར་ཡུག་གི་སྤུས་ཚད་ཐད། རྒྱལ་ཁབ་ཀྱི་ས་ངོས་ཆུའི་དཔྱད་ཞིབ་བཅད་ཁ་3641ཁྲོད་ཆུའི་སྤུས་ཚད་ལེགས་པའི(རིགས་དང་པོ་ནས་གསུམ་པ)བཅད་ཁའི་བསྡུར་ཚད་88.5%ཟིན་པ་དེ་དུས་མཚུངས་ལས་བརྒྱ་ཆའི་གྲངས་1.4འཕར་ཡོད་པ་དང་། སྤུས་ཞན་རིགས་ལྔ་པའི་བཅད་ཁའི་བསྡུར་ཚད་0.7%ཟིན་པ་དེ་དུས་མཚུངས་དང་མཉམ་ཡོད། དེའི་ནང་འབྲི་ཆུ་དང་རྨ་ཆུ་སོགས་ཆུ་བོ་འབབ་རྒྱུད་ཆེ་གྲས་བདུན་དང་དེ་བཞིན་ནུབ་བྱང་གི་ཆུ་བོ་ཁག་དང་། ལྷོ་ནུབ་ཀྱི་ཆུ་བོ་ཁག ཀྲེ་ཅང་དང་ཧྥུའུ་ཅན་ཁུལ་གྱི་ཆུ་བོ་བཅས་ཀྱི་ཆུའི་སྤུས་ཚད་ལེགས་པའི(རིགས་དང་པོ་ནས་གསུམ་པ)བཅད་ཁའི་བསྡུར་ཚད་90.0%ཟིན་པ་དེ་དུས་མཚུངས་ལས་བརྒྱ་ཆའི་གྲངས་0.8འཕར་བ་དང་། སྤུས་ཞན་རིགས་ལྔ་པའི་བཅད་ཁའི་བསྡུར་ཚད་0.4%ཟིན་པ་དེ་དུས་མཚུངས་ལས་བརྒྱ་ཆའི་གྲངས་0.1ཆག་ཡོད་པ་རེད།