གྲངས་གཞི་གསར་ཤོས་ལས་མངོན་དོན། 2022ལོའི་ལོ་མཇུག་བར་རྒྱལ་ཡོངས་ཀྱི་ཕྱོགས་བསྡུས་འགྲིམ་འགྲུལ་སྐྱེལ་འདྲེན་དྲ་རྒྱའི་སྤྱིའི་ལམ་ཐག་སྤྱི་ལེ་ཁྲི་600ལས་བརྒལ་ཡོད། རང་རྒྱལ་གྱིས་གོ་ལ་ཧྲིལ་པོའི་གཞི་ཁྱོན་ཆེ་ཤོས་ཀྱི་མྱུར་བགྲོད་ལྕགས་ལམ་དྲ་བ་དང་། མྱུར་བགྲོད་གཞུང་ལམ་དྲ་བ། འཛམ་གླིང་རིམ་པའི་གྲུ་ཁའི་ཚོགས་བཅས་བསྐྲུན་ཟིན་ཡོད། རྨང་གཞིའི་སྒྲིག་བཀོད་ཀྱི་དྲ་རྒྱ་ཉིན་བཞིན་འཐུས་སྒོ་ཚང་དུ་སོང་བ་དང་། སྐྱེལ་འདྲེན་ཞབས་ཞུའི་ཆུ་ཚད་རྒྱུན་མཐུད་མཐོ་རུ་ཕྱིན་པ། ཕྱི་ཕྱོགས་དང་མཉམ་ལས་བྱེད་ཤུགས་ཟམ་མི་ཆད་པར་ཆེ་རུ་ཕྱིན་ཏེ་འགྲིམ་འགྲུལ་རྒྱལ་ཁབ་སྟོབས་ཆེན་འཛུགས་སྐྱོང་ཐད་གོམ་སྟབས་གསར་པ་སྤོས་ཡོད།

འདི་ནི་ཧུའུ་ནན་ཡུང་ཀྲོའུ་ཏའོ་རྫོང་ཏའོ་ཧོ་མྱུར་བགྲོད་གཞུང་ལམ་དང་རྒྱལ་ལམ་207ཚེན་ཅང་གྲུ་ཁའི་ཟམ་ཆེན་ཐོག་འཁོར་རིགས་བྱ་འཕུར་བ་ལྟར་རྒྱུག་བཞིན་པ།

འདི་ནི་ཅང་སུའུ་དབྱང་ཀྲོའུ་ཡི་དོས་སྒམ་གྲུ་ཁ་རུ་ཟོག་གྲུ་བཀག་ནས་ཅ་དངོས་འབེབས་འཇུག་བྱེད་བཞིན་པ།