ཟླ་2ཚེས་28ཉིན་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གིས་རྒྱལ་སྲིད་སྤྱི་ཁྱབ་ཁང་གི་སྲིད་ཇུས་ཀྱི་འཆར་ཅན་བརྡ་གཏོང་ཚོགས་འདུ་འཚོགས་ནས་2022ལོར་རྒྱལ་སྲིད་སྤྱི་ཁྱབ་ཁང་གི་སྡེ་ཚན་གྱིས་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིའི་གྲོས་འགོ་དང་རྒྱལ་ཡོངས་སྲིད་གྲོས་ཀྱི་ཨུ་ཡོན་གྱི་གྲོས་གཞི་སྒྲུབ་པའི་ལས་ཀའི་འབྲེལ་ཡོད་གནས་ཚུལ་ངོ་སྤྲོད་བྱས་པ་རེད།

2022ལོར་རྒྱལ་སྲིད་སྤྱི་ཁྱབ་ཁང་གི་སྡེ་ཚན་གྱིས་མི་དམངས་འཐུས་ཚོགས་ཀྱི་འཐུས་མིའི་གྲོས་འགོ་ཁྱོན་8721དང་སྲིད་གྲོས་ཨུ་ཡོན་གྱི་གྲོས་གཞི་5865བསྒྲུབས་པ་དེ་གྲོས་འགོ་དང་གྲོས་གཞིའི་བསྡོམས་འབོར་གྱི་94.8%དང་95%སོ་སོར་ཟིན་ཞིང་། ཚང་མ་དུས་ཐོག་ཏུ་བསྒྲུབས་ཡོད། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གསར་འགྱུར་ཅུས་ཀྱི་ཅུས་ཀྲང་གཞོན་པ་གསར་འགྱུར་མགྲིན་ཚབ་པ་ཤིང་ཧུའེ་ན་ཡིས། 2022ལོར་རྒྱལ་སྲིད་སྤྱི་ཁྱབ་ཁང་གི་སྡེ་ཚན་གྱིས་འཐུས་མི་དང་ཨུ་ཡོན་ཚོས་བཏོན་པའི་བསམ་འཆར་དང་གྲོས་འགོ་ཁག་4100ལྷག་ཙམ་དང་ལེན་བྱས་ནས་འབྲེལ་ཡོད་སྲིད་ཇུས་དང་བྱ་ཐབས་ཁག་2100ལྷག་ཙམ་བཏོན་ཡོད། འདས་ཟིན་པའི་ལོ་ལྔའི་ནང་། འཐུས་མི་དང་ཨུ་ཡོན་ཚོས་བཏོན་པའི་བསམ་འཆར་དང་གྲོས་འགོ་ཁྱོན་ཁྲི་1.8ལྷག་ཙམ་དང་ལེན་བྱས་པ་དང་འབྲེལ་ཡོད་སྲིད་ཇུས་དང་བྱེད་ཐབས་ཁག་7800ལྷག་ཙམ་བཏོན་ནས་སྒྱུར་བཅོས་འཕེལ་རྒྱས་དང་མི་དམངས་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་དང་འབྲེལ་བ་ཡོད་པའི་གནད་དོན་འབོར་ཆེན་ཐག་གཅོད་བྱེད་པར་སྐུལ་འདེད་བཏང་ཡོད། སྡེ་ཚན་ཁག་གིས་ཉམས་མྱོང་ཕྱོགས་སྡོམ་ནན་ཏན་དང་། བྱེད་སྟངས་དང་བྱ་ཐབས་གསར་གཏོད། ལས་ཀའི་རྨང་གཞི་བརྟན་གཏོང་བཅས་བྱས་ནས་གྲོས་འགོ་དང་གྲོས་གཞི་སྒྲུབ་པའི་ཆུ་ཚད་ཟམ་མི་ཆད་པར་མཐོ་རུ་བཏང་ཡོད་ཅེས་ངོ་སྤྲོད་བྱས་པ་རེད།

ཞིང་ལས་དང་གྲོང་གསེབ་པུའི་སྤྱི་ཁྱབ་དཔལ་འབྱོར་མཁས་ཅན་དང་། གཞུང་དོན་ཐིང་གི་ཀྲུའུ་རེན། གསར་འགྱུར་མགྲིན་ཚབ་པ་བཅས་ཡིན་པའི་ཝུའེ་པའེ་ཀང་གིས་། 2022ལོར་ཞིང་ལས་དང་གྲོང་གསེབ་པུས་ཁྱོན་གྲོས་འགོ་དང་གྲོས་གཞི་ཁག་1430སྒྲུབ་འགན་འཁུར་བའི་ནང་གི་གྲོས་འགོ་ཁག་891དང་གྲོས་གཞི་539ཚང་མ་འབྲུ་རིགས་དང་ཞིང་ལས་ཐོན་རྫས་གལ་ཆེན་ཐོན་སྐྱེད་བརྟན་པོ་དང་མཁོ་སྤྲོད་འགན་ལེན་དང་། རྨོ་ཞིང་སྲུང་སྐྱོང་འཛུགས་སྐྲུན། ཞིང་ལས་ཚན་རྩལ་གསར་གཏོད། འདེབས་འཛུགས་ལས་རིགས་དར་རྒྱས། ཞིང་ལས་དང་གྲོང་གསེབ་འབྱུང་འཕྲོད་འཕེལ་རྒྱས། གྲོང་གསེབ་སྒྱུར་བཅོས་སོགས་ཕྱོགས་མང་པོ་དང་འབྲེལ་བ་ཡོད། ཞིང་ལས་དང་གྲོང་གསེབ་པུས་གྲོས་འགོ་དང་གྲོས་གཞི་ཡག་པོ་བསྒྲུབ་རྒྱུ་དེ“ཞིང་གསུམ”ལས་དོན་ལ་སྐུལ་འདེད་གཏོང་བའི་དམ་འཛིན་བྱ་གཞི་གལ་ཆེན་ཞིག་ཏུ་བརྩིས་ནས་བརྟག་དཔྱད་ཞིབ་འཇུག་གཏིང་ཟབ་དང་སྲིད་ཇུས་ཀྱི་འཆར་འགོད་ལ་ཤུགས་སྣོན་བརྒྱབ་སྟེ་འཐུས་མི་དང་ཨུ་ཡོན་ཚོའི་བསམ་འཆར་དང་གྲོས་འགོ་དེ་ཏན་ཏན་ཏིག་ཏིག་གི་སྲིད་ཇུས་དང་བྱ་ཐབས་སུ་འགྱུར་བར་བྱས་ནས“ལས་དོན་གཅིག་ཡག་པོ་སྒྲུབ་པ་དང་ཡུག་གཅིག་ཐག་གཅོད་ཐུབ་པའི”བརྩོན་ལེན་བྱེད་ཀྱི་ཡོད་ཅེས་ངོ་སྤྲོད་བྱས་པ་རེད།

རྒྱལ་ཁབ་ཁྲོམ་ར་ལྟ་འདོམས་སྤྱི་ཁྱབ་ཅུས་ཀྱི་ཅུས་ཀྲང་གཞོན་པ་ཐན་ཧྲི་ཧུང་གིས། 2022ལོར་ཁྲོམ་ར་ལྟ་འདོམས་སྤྱི་ཁྱབ་ཅུས་ཀྱིས་གྲོས་འགོ་དང་གྲོས་གཞི་ཁག་832སྒྲུབ་འགན་འཁུར་བའི་ནང་གྲོས་འགོ་ཁག་483དང་གྲོས་གཞི་ཁག་349བཏོན་པ་དེ་ཁྲོམ་རའི་སྒྲིག་ལམ་ཚད་ལྡན་དུ་གཏོང་བ་དང་། སྤུས་ཚད་ལ་བརྟེན་ནས་རྒྱལ་ཁབ་སྟོབས་ཆེར་གཏོང་བ། བཟའ་བཅའི་བདེ་འཇགས་ལ་ལྟ་སྐུལ་དོ་དམ་བྱེད་པ། ཚོང་གཉེར་ཁོར་ཡུག་ལེགས་སུ་གཏོང་བ་སོགས་ཕྱོགས་མང་པོ་དང་འབྲེལ་བ་ཡོད། ཁྲོམ་ར་ལྟ་འདོམས་སྤྱི་ཁྱབ་ཅུས་ཀྱིས་གྲོས་འགོ་དང་གྲོས་གཞི་སྒྲུབ་གཉེར་ལས་དོན་དེ་དངོས་ཡོད་གནད་དོན་ཐག་གཅོད་བྱ་རྒྱུ་དང་། སྤྱི་ཚོགས་ཀྱི་དོ་ཁུར་ལ་ལན་འདེབས་རྒྱུ། ཁྲོམ་ར་ལྟ་འདོམས་ལས་དོན་ལེགས་སུ་གཏོང་རྒྱུ་བཅས་དང་ཟུང་འབྲེལ་བྱས་ནས། འབྲེལ་མཐུད་གྲོས་མོལ་དང་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་དང་བརྟག་དཔྱད་ཞིབ་འཇུག་གཏིང་ཟབ་བྱས་ཏེ་གྲོས་འགོ་དང་གྲོས་གཞི་གཞིར་བཟུང་སྲིད་ཇུས་དང་བྱ་ཐབས་ཁག་84བཏོན་པ་དང་བསམ་འཆར་དང་གྲོས་འགོ་ཁག་119དང་ལེན་བྱས་པས་འབྲེལ་ཡོད་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་ཡོད་ཅེས་བཤད་པ་རེད།