ཉེ་དུས་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་པུའུ་ཡིས་བརྡ་ཐོ་བཀྲམ་ནས། གྲོང་ཁྱེར་སྤྱི་གླིང་གི་སྤང་ལྗོངས་སྒོ་དབྱེ་མཉམ་སྤྱོད་ཀྱི་ཚོད་ལྟའི་ལས་དོན་སྤེལ་རྒྱུའི་ཐག་བཅད་ཡོད། སྤྱི་གླིང་གི་སྤང་ལྗོངས་དང་ནགས་ཁྲོད་ཀྱི་བར་མཐོངས་དང་དེ་བཞིན་ས་ཆ་སྟོང་པ་སོགས་ཀྱི་ས་ཁོངས་སུ་སྒོ་དབྱེ་མཉམ་སྤྱོད་ཀྱི་ས་ཁོངས་ཕྱེ་སྟེ། ལེ་ལག་ཚང་བའི་ཞབས་ཞུའི་སྒྲིག་ཆས་འཐུས་སྒོ་ཚང་དུ་བཏང་ནས། མི་དམངས་མང་ཚོགས་ཀྱིས་གུར་འབུབས་པ་དང་། ལུས་སྦྱོང་བྱེད་པ། ངལ་གསོ་བ་སོགས་རང་བྱུང་ཁམས་སུ་ཕྱི་རོལ་བྱེད་སྒོ་སྤེལ་བའི་དགོས་མཁོ་སྔར་བས་ལེགས་པོ་སྐོང་རྒྱུ་རེད། ཚོད་ལྟའི་དུས་ཡུན་ལོ་གཅིག་ཡིན་པ་རེད།
བརྡ་ཐོ་གཞིར་བཟུང་། ལྷོ་ཕྱོགས་ས་ཁུལ་གྱིས་ཚོད་ལྟ་བྱེད་དགོས་རིགས་ཚང་མས་ཚོད་ལྟ་བྱེད་པའི་རྩ་དོན་གཞིར་བཟུང་། ཚོད་ལྟའི་ལས་དོན་སྤེལ་ཏེ་སྒོ་དབྱེ་མཉམ་སྤྱོད་ཀྱི་ས་ཁོངས་རིམ་གྱིས་ཆེ་རུ་གཏོང་རྒྱུ་རེད། ས་ཁོངས་གཞན་གྱིས་དོན་དངོས་གནས་ཚུལ་ལ་གཞིགས་ནས་ཚོད་ལྟའི་གྲོང་ཁྱེར་བདམས་ཏེ། སྒོ་དབྱེ་མཉམ་སྤྱོད་ཀྱི་ས་ཁོངས་ལུགས་མཐུན་ངང་གཏན་འཁེལ་བྱེད་པ་དང་། གནད་ཀྱིས་ཁྱོན་ལ་སྣེ་ཁྲིད་པ། བརྗེ་རེས་ལམ་ལུགས་ཀྱི་བདག་སྐྱོང་སོགས་དོ་དམ་ལམ་སྲོལ་རིམ་གྱིས་འཚོལ་ཞིབ་བྱེད་པ་བཅས་བྱས་ནས། གྲོང་ཁྱེར་སྤྱི་གླིང་གི་སྤང་ལྗོངས་སྒོ་དབྱེ་མཉམ་སྤྱོད་ལ་རྒྱུན་ཆད་མེད་པར་སྐུལ་འདེད་གཏོང་རྒྱུ་རེད།