གསར་འགོད་པར་རིག་གནས་དང་ཡུལ་སྐོར་པུའུ་ནས་ཤེས་རྟོགས་བྱུང་བར། 2023ལོའི་དཔྱིད་གསར་དུས་ཆེན་གྱི་གུང་གསེང་རིང་རིག་གནས་དང་ཡུལ་སྐོར་པུས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱས་ཏེ། རིམས་ནད་སྔོན་འགོག་ཚོད་འཛིན་དང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྤྱི་འདོམས་ནུས་ལྡན་བྱས་ནས། རིག་གནས་དང་ཡུལ་སྐོར་གྱི་གུང་གསེང་ཁྲོམ་རའི་ལས་དོན་ཁག་ནུས་ཤུགས་ཡོད་རྒུས་ཡག་པོ་བསྒྲུབས་ཡོད། རིག་གནས་དང་ཡུལ་སྐོར་པུའི་གྲངས་གཞི་ལྟེ་གནས་ཀྱིས་ཚོད་རྩིས་བྱས་པར་གཞིགས་ན། འདི་ལོའི་དཔྱིད་གསར་དུས་ཆེན་གྱི་གུང་གསེང་རིང་རྒྱལ་ཡོངས་ཀྱི་རྒྱལ་ནང་དུ་ཡུལ་སྐོར་བྱེད་མཁན་མི་ཐེངས་དུང་ཕྱུར་3.08ཟིན་པ་དེ། ལོ་གོང་མའི་དུས་མཚུངས་ལས་23.1%འཕར་ནས་2019ལོའི་དུས་མཚུངས་ཀྱི་88.6%བར་སླར་གསོ་བྱུང་བ་དང་། རྒྱལ་ནང་དུ་ཡུལ་སྐོར་ཡོང་འབབ་སྒོར་དུང་ཕྱུར་3758.43ཟིན་པ་དེ། ལོ་གོང་མའི་དུས་མཚུངས་ལས་30%འཕར་ནས་2019ལོའི་དུས་མཚུངས་ཀྱི་73.1%བར་སླར་གསོ་བྱུང་ཡོད། དཔྱིད་གསར་དུས་ཆེན་གྱི་གུང་གསེང་རིང་རྒྱལ་ཡོངས་ཀྱི་རིག་གནས་དང་ཡུལ་སྐོར་ཁྲོམ་ར་སྤྱིའི་ཆ་ནས་བདེ་འཇགས་དང་། བརྟན་པོ། གོ་རིམ་ལྡན་པ་བཅས་བྱུང་ཡོད།

ཟླ་1ཚེས་27ཉིན། རིག་གནས་དང་ཡུལ་སྐོར་པུས་2023ལོའི་དཔྱིད་གསར་དུས་ཆེན་གྱི་ངལ་གསོའི་རིང་གི་རིག་གནས་དང་ཡུལ་སྐོར་ཁྲོམ་རའི་གནས་ཚུལ་ཁྱབ་བསྒྲགས་བྱས་པ་རེད། རིག་གནས་དང་ཡུལ་སྐོར་པུའི་གྲངས་གཞི་ལྟེ་གནས་ཀྱིས་ཚོད་རྩིས་བྱས་པ་བརྒྱུད། འདི་ལོའི་དཔྱིད་གསར་དུས་ཆེན་གྱི་ངལ་གསོའི་རིང་རྒྱལ་ཡོངས་ཀྱི་རྒྱལ་ནང་དུ་ཡུལ་སྐོར་བྱེད་མཁན་མི་ཐེངས་དུང་ཕྱུར་3.08ཟིན་པ་དེ་དུས་མཚུངས་ལས་23.1%འཕར་ཡོད། རྒྱལ་ནང་གི་ཡུལ་སྐོར་ཡོང་འབབ་སྒོར་དུང་ཕྱུར་3758.43ཟིན་པ་དེ་དུས་མཚུངས་ལས་30%འཕར་ཡོད། རྒྱལ་ཡོངས་ཀྱི་རིག་གནས་དང་ཡུལ་སྐོར་ཁྲོམ་ར་སྤྱི་ཡོངས་ནས་བདེ་འཇགས་དང་། བརྟན་པོ། གོ་རིམ་ལྡན་པ་བཅས་ཡོད། འདི་ནི་ཡུལ་སྐོར་བ་སི་ཁྲོན་ཞིང་ཆེན་ཤིས་ཁྲང་གྲོང་ཁྱེར་ཅན་ཁྲང་གནའ་གྲོང་དུ་སྤྲོ་གསེང་ལ་བསྐྱོད་བཞིན་པ།