ཟླ་12ཚེས་2ཉིན་བར། ཀྲུང་ལོའི་ལྕགས་ལམ་དུ་མེ་འཁོར་ཤར་གཏོང་ཐུབ་ནས་ལོ་གཅིག་འཁོར་ཏེ། འགྲུལ་ཟོག་སྐྱེལ་འདྲེན་གཉིས་ཀར་གྲུབ་འབྲས་བཟང་པོ་ཐོབ་ཅིང་། རིམ་རྩིས་བྱས་ན་འགྲུལ་པ་མི་ཐེངས་ཁྲི་850སྐྱེལ་འདྲེན་བྱས་པའི་ནང་རྒྱལ་ནང་གི་ལམ་དུམ་དུ་མི་ཐེངས་ཁྲི་720དང་ལོ་སིའི་ལམ་དུམ་དུ་མི་ཐེངས་ཁྲི་130ཟིན་པ་དང་། དངོས་ཟོག་ཏུན་ཁྲི་1120སྐྱེལ་འདྲེན་བྱས་པའི་ནང་རྒྱལ་མཚམས་སྒྲོལ་བའི་དངོས་ཟོག་ཏུན་ཁྲི་190ལྷག་ཙམ་ཟིན་ཡོད།

འདི་ནི་བསྐྱར་དར་རྟགས་ཅན་གྱི་མེ་འཁོར་ཀྲུང་ལོའི་ལྕགས་ལམ་གྱི་ཡོན་ཅང་ཟམ་ཆེན་བརྒྱུད་བཞིན་པ།

ཀྲུང་ཕའི་དཔལ་འབྱོར་བར་ཁྱམས་སྒྲོམ་གཞིའི་འོག་གི་འགྲིམ་འགྲུལ་གྱི་རྨང་གཞིའི་སྒྲིག་བཀོད་ཀྱི་རྣམ་གྲངས་ཆེ་ཤོས་ཡིན་པའི་པེ་ཧྲ་ཝ་-ཁ་ལ་ཆི་མྱུར་བགྲོད་གཞུང་ལམ་སུའུ་ཁུར་ནས་མུར་ཐན་བར་གྱི་ལམ་དུམ་དེ་ཀྲུང་གོ་འཛུགས་སྐྲུན་མ་རྐང་ཚད་ཡོད་ཀུང་སིས་སྐྲུན་འགན་ཁུར་ཡོད། རྣམ་གྲངས་དེས་ཕ་ཁི་སི་ཐན་དབུས་རྒྱུད་ཀྱི་ལྷོ་བྱང་འགྲིམ་འགྲུལ་གྱི་འཕར་རྩ་ཆེན་པོ་ཤར་གཏོང་ཐུབ་ནས་ས་གནས་དེ་གའི་འགྲིམ་འགྲུལ་གནས་ཚུལ་མངོན་གསལ་དོད་པོས་ལེགས་སུ་ཕྱིན་ཏེ་ལམ་རྒྱུད་ས་ཁུལ་གྱི་སྤྱི་ཚོགས་དང་དཔལ་འབྱོར་འཕེལ་རྒྱས་ལ་སྐུལ་ཁྲིད་ཐུབ་ཡོད། འདི་ནི་སུའུ་ཁུར་ནས་མུར་ཐན་བར་གྱི་མྱུར་བགྲོད་གཞུང་ལམ་ཡིན་པ།

ཉིན་ཤས་གོང་། ཐུར་ཁེའི་གློག་སྒུལ་རླངས་འཁོར་ཐོག་མ་པུར་ས་ཞིང་ཆེན་དུ་ཐོན་སྐྱེད་འབོར་ཆེན་བྱས་པ་རེད། འདི་ནི་པུར་ས་ཞིང་ཆེན་གྱི་གླིང་ཁུལ་ཞིག་ཏུ་ལས་མིས་གློག་སྒུལ་རླངས་འཁོར་TOGGཐོན་སྐྱེད་བྱེད་བཞིན་པ།