འདི་ནི་ཉི་ཤར་མཚམས་སུ་ལོ་མ་དམར་པོ་དང་། མཚེའུ། རི་བཅས་གཅིག་ལ་གཅིག་བརྒྱན་གྱིས་མཛེས་སྡུག་ལྡན་པའི་རི་མོ་ཞིག་ལྟར་སྣང་བ།
དགུན་ཐོག་མའི་དུས་སུ་ཧུའུ་པེ་ཞིང་ཆེན་ཁྲང་ལིན་གྲོང་ཚོའི་མངའ་ཁོངས་ཀྱི་ཆུ་མཛོད་རྒྱུད་དང་ཆི་ཤིང་གླིང་ཕྲན་གྱི་ལོ་མ་དམར་པོས་མི་རྣམས་ཀྱི་མིག་དབང་ཅིག་ཅར་དུ་འཕྲོག་པར་བྱེད་པས། ཁྲང་ལིན་གྲོང་ཚོས་ཆུ་ངོགས་ཀྱི་ལོ་མ་དམར་པོའི་རིག་གནས་ཡུལ་སྐོར་དུས་ཆེན་སྐབས་དང་པོ་ཕུན་སུམ་ཚོགས་པོའི་ངང་གཉེར་བ་རེད།
ཧྲི་ཙེ་གྲོང་རྡལ་གྱི་བྱང་ཤར་རྒྱུད་དུ་གནས་པའི་ཧུའུ་པེ་ཞིང་ཆེན་ཆི་ཁྲུན་རྫོང་ཁྲང་ལིན་གྲོང་ཚོ་ནི་རི་ཁུལ་དང་། ཆུ་མཛོད་ཁུལ། ཁུལ་རྙིང་བཅས་གཞི་གཅིག་ཏུ་འདུས་པའི་རི་གྲོང་ཞིག་རེད། གྲོང་ཚོ་དེས་ཁུལ་ཁོངས་ཀྱི་གླིང་ཕྲན་མང་བ་དང་ཆུ་རྒྱུད་ཀྱི་ལམ་ཐིག་རིང་བའི་ས་ཁམས་ཀྱི་ལེགས་ཆ་སྤྱོད་པ་དང་། ཐོན་ཁུངས་དང་རྣམ་གྲངས་བསྡུ་སྒྲིལ་བྱེད་པ། ཆུ་མཛོད་ཁུལ་གྱི་ཐུན་མོང་མ་ཡིན་པའི་ཐོན་ཁུངས་ཀྱི་ལེགས་ཆ་དང་གནས་སྤོས་ཡུལ་མིའི་རྣམ་གྲངས་སྲིད་ཇུས་ཐོག་མཐའ་བར་གསུམ་དུ་ལག་ལེན་བསྟར་བ། གནོད་མེད་ཐོན་ལས་འཕེལ་རྒྱས་ཤུགས་ཆེན་གཏོང་བ་བཅས་བྱས་ནས། གླིང་ཕྲན་དང་ཆུ་མཛོད་རྒྱུད་ཀྱི་ཝུའུ་ཅིའུ་སྡོང་པོ་མགྱོགས་མྱུར་སྐྱེ་འཚར་ལ་སྲུང་སྐྱོང་དང་ཉམས་གསོ་བྱས་པས། ད་ཆ་ཕན་འབྲས་རགས་ཙམ་ཐོན་ཡོད།