ཟླ་7ཚེས་7ཉིན་ནས་བཟུང་ཀྲུང་གོ་མི་དམངས་ཀྱི་རི་འགོག་དམག་འཁྲུག་གི་དྲན་གསོ་ཁང་གིས“རླབས་ཆེན་གྱི་རྒྱལ་ཁ་དང་ལོ་རྒྱུས་ཀྱི་ལེགས་སྐྱེས——ཀྲུང་གོ་མི་དམངས་ཀྱི་རི་འགོག་དམག་འཁྲུག་ལ་རྒྱལ་ཁ་ཐོབ་པ་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་70འཁོར་བར་དྲན་གསོ་ཞུ་བའི་བརྗོད་བྱ་གཙོ་བོའི་འགྲེམས་སྟོན”བྱེད་འགོ་ཚུགས་ཤིང་། བརྗོད་བྱ་གཙོ་བོའི་འགྲེམས་སྟོན་དེ་གཞི་རྩའི་བཤམས་སྟོན་དུ་བརྩིས་ནས་ཡུན་རིང་འགྲེམས་སྟོན་བྱ་རྒྱུ་ཡིན་པ་རེད། འགྲེམས་སྟོན་དེ་ཁྱོན“ཀྲུང་གོའི་རི་འགོག་དམག་འཁྲུག་ཆ་ཤས”དང་། “མི་རིགས་ཡོངས་ཀྱི་རི་འགོག་དམག་འཁྲུག” “གཞོམ་མེད་བྲག་རི” “རི་དམག་གི་རྩུབ་སྤྱོད” “ཤར་ཕྱོགས་ཀྱི་གཡུལ་ས་གཙོ་བོ”“བདེན་ཡོད་རོགས་མང”“རླབས་ཆེན་གྱི་རྒྱལ་ཁ”སོགས་ཁག་8དུ་དབྱེ་ཡོད་པར་ཁྱོན་རྒྱ་ཁྱོན་སྨི་ངོས་གྲུ་6700ཡོད་པ་དང་། པར་1170ཡོད་པ། རིག་དངོས་ཁག་2834ཡོད་པ་བཅས་སོ།