ཟླ་11ཚེས་2ཉིན་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་དང་ཁ་ན་ཏའི་ཀྲུང་གོའི་རིག་གནས་ཡར་སྐུལ་ཚོགས་པ་གཉིས་ཀྱིས་མཉམ་དུ་གཙོ་སྒྲུབ་གནང་བའི་2014ལོའི་ཁ་ན་ཏའི་ཀྲུང་གོའི་བོད་ལྗོངས་རིག་གནས་གཟའ་འཁོར་ཁ་ན་ཏའི་ཝུན་ཀོ་ཧྭ་གྲོང་ཁྱེར་དུ་འགོ་ཚུགས་པ་རེད། བོད་ལྗོངས་རིག་གནས་གཟའ་འཁོར་བྱེད་སྒོའི་འཐུས་མིའི་ཚོགས་པའི་ཚོགས་གཙོ། ཀྲུང་གོའི་བོད་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་རྡོ་རྗེ་ཚེ་གྲུབ་ཀྱིས་མཛད་སྒོའི་ཐོག་བོད་ཀྱི་རིག་གནས་ནི་ཀྲུང་ཧྭ་རིག་གནས་དང་འཛམ་གླིང་རིག་གནས་བང་མཛོད་ཁྲོད་ཀྱི་མུ་ཏིག་ལྟ་བུ་ཡིན་པས། ཁ་ན་ཏའི་ལས་རིགས་སོ་སོའི་མང་ཚོགས་ཚོས་ཐེངས་འདིའི་བྱེད་སྒོ་བརྒྱུད་དེ་བོད་ཀྱི་རིག་གནས་ལ་སྒོ་ཀུན་ནས་རྒྱུས་མངའ་གཏིང་ཟབ་པོ་བྱེད་ཐུབ་ཅེས་གསུངས།