ཟླ་3ཚེས་11ཉིན་གྱི་ཕྱི་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པ་པེ་ཅིང་མི་དམངས་ཚོགས་ཁང་ཆེན་མོར་མཇུག་འགྲིལ་བ་རེད།

 བོད་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་བོད་ཀྱི་འཐུས་མི་ཚོགས་པའི་ཚང་འཛོམས་གྲོས་ཚོགས་ཐོག་དགའ་བསུ་ཞུས་ནས་གྲོས་ཆོད་ཀྱི་འཆར་ཟིན་ཁག་ལ་གྲོས་འཆམ་གནང་བཞིན་པ།

 ཟླ་3ཚེས་11ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི“འཐུས་མིའི་བགྲོད་ལམ”ཐེངས་གསུམ་པའི་གཅིག་སྡུད་བཅར་འདྲིའི་བྱེད་སྒོ་པེ་ཅིང་མི་དམངས་ཚོགས་ཁང་ཆེན་མོར་འཚོགས་ཤིང་། འདི་ནི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ཀྲོ་ཡ·པ་ཧོ་ཐིས་སྨྱན་སྦྱོར་གྱི་བཅར་འདྲི་དང་ལེན་གནང་བཞིན་པ།

ཟླ་3ཚེས་11ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པས་པེ་ཅིང་མི་དམངས་ཚོགས་ཁང་ཆེན་མོར་མཇུག་འགྲིལ་ཚོགས་འདུ་འཚོགས་ཤིང་། འདི་ནི་མཇུག་འགྲིལ་ཚོགས་འདུ་འཚོག་ཡུལ་ཡིན་པ།

 2025ལོའི་ཟླ་3ཚེས་9ཉིན་གྱི་སྔ་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི་ཡུན་ནན་ཞིང་ཆེན་འཐུས་མི་ཚོགས་པས་འཐུས་མིའི་ཚོགས་ཆུང་གི་ཚོགས་འདུ་འཚོགས་ཏེ། རྒྱལ་ཡོངས་མི་དམངས་འཐུས་མི་ཚོགས་ཆེན་དང་ས་གནས་རིམ་ཁག་གི་མི་དམངས་འཐུས་ཚོགས་ཀྱི་འཐུས་མིའི་བཅའ་ཁྲིམས་ལ་བཟོ་བཅོས་རྒྱག་རྒྱུའི་སྐོར་གྱི་གཏན་འབེབས་འཆར་ཟིན་དང་། ཆེས་མཐོའི་མི་དམངས་ཁྲིམས་ཁང་གི་ལས་དོན་སྙན་སྒྲོན། ཆེས་མཐོའི་མི་དམངས་ཞིབ་དཔྱོད་ཁང་གི་ལས་དོན་སྙན་སྒྲོན་བཅས་ལ་གྲོས་ཞིབ་གནང་ཞིང་། འདི་ནི་ཡུན་ནན་ཞིང་ཆེན་གྱི་འཐུས་མི་ཚོགས་པས་འཐུས་མིའི་ཚོགས་ཆུང་གི་ཚོགས་འདུ་འཚོག་བཞིན་པ།

 ཟླ་3ཚེས་11ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པས་པེ་ཅིང་མི་དམངས་ཚོགས་ཁང་ཆེན་མོར་མཇུག་འགྲིལ་ཞིང་། འདི་ནི་ཚོགས་འདུ་གྲོལ་རྗེས་འཐུས་མི་རྣམས་མི་དམངས་ཚོགས་ཁང་ཆེན་མོ་ནས་ཕེབས་བཞིན་པ།

ཟླ་3ཚེས་11ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི་གྲོས་རིམ་ཁག་ཕུན་སུམ་ཚོགས་པོའི་ངང་ལེགས་གྲུབ་བྱུང་སྟེ། པེ་ཅིང་མི་དམངས་ཚོགས་ཁང་ཆེན་མོར་མཇུག་འགྲིལ་བ་རེད།

བརྡས་ཐག་གཅོད་ཐེངས་རེ་རེ་དང་ཐལ་མོའི་རྡེབ་སྒྲ་གྲགས་ཐེངས་རེ་རེ་ལས་དམངས་གཙོའི་སྐད་སྒྲ་བརྒྱུད་སྤྲོད་དང་། དམངས་ཀྱི་འདོད་བློ་མཚོན་པ། ཐུན་མོང་འབད་འཐབ་ཀྱི་དམིགས་ཚད་གཅིག་སྒྲིལ་བཅས་བྱས་ཡོད་པ་རེད།

རྒྱལ་ཡོངས་ཚོགས་འདུ་གཉིས་རིང་། རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་དམངས་ཀྱི་རེ་སྒུག་མཚོན་པ་དང་འཕེལ་རྒྱས་ཀྱི་འཆར་གཞི་ཆེན་པོ་ཐུན་མོང་ཐོག་གྲོས་མོལ་གནང་སྟེ། སྤྱི་ཡོངས་ལ་བསམ་བཀོད་ཐུབ་པ་དང་། འཕེལ་རྒྱས་ལ་གཞོལ་བ། དམངས་ཆེད་འགན་སྒྲུབ་བཅས་ཀྱི་འགན་འཁུར་གྱི་སྙིང་སྟོབས་དང་དུས་རབས་ཀྱི་ཉམས་འགྱུར་ཡང་མངོན་ཡོད། དེ་དང་ཆབས་ཅིག ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུ་བ་དང་། འགན་འཁྲི་ནན་ཏན་ངང་བསྒྲུབས་པ་དང་ཐུན་མོང་གི་ངོས་འཛིན་གཅིག་སྒྲིལ་རྒྱ་ཁྱབ་བྱས་ཏེ། ཆབ་སྲིད་ཀྱི་སྤྲོ་སེམས་རབ་ཏུ་འཕེལ་བ་དང་དམ་པ་དོན་གཉེར་གྱི་སྒྲིག་ཁྲིམས་ཀྱི་སྤྱོད་ཚུལ་ཐོག་ནས་དམངས་ཀྱི་མངགས་བཅོལ་ཟབ་མོ་ཆུད་ཟོས་སུ་མི་གཏོང་བ་དང་། ཐབས་འདོན་ཇུས་འབུལ་ཧུར་ཐག་བྱེད་པ། འགན་འཁྲི་ནན་ཏན་ངང་བསྒྲུབས་པ་བཅས་བྱས་ཏེ་སྙན་སྒྲོན་དང་གྲོས་གཞི་ཁག་ལ་གྲོས་ཞིབ་ནན་ཏན་གནང་བ་རེད།