ཟླ་3ཚེས་11ཉིན་གྱི་ཕྱི་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པ་པེ་ཅིང་མི་དམངས་ཚོགས་ཁང་ཆེན་མོར་གྲོལ་བ་རེད།

ཟླ་3ཚེས་6ཉིན་གྱི་སྔ་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི་བོད་ཀྱི་འཐུས་མི་ཚོགས་པས་ཚོགས་པ་དང་ཚོགས་ཆུང་སྒོ་དབྱེའི་བྱེད་སྒོ་སྤེལ་ཞིང་། འདི་ནི་བྱེད་སྒོ་སྤེལ་ཡུལ་ཡིན་པ།

རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་བཀྲ་ཤིས་རྒྱལ་མཚན(དཀྱིལ)གྱིས་བོད་ཀྱི་འཐུས་མི་ཚོགས་པའི་ཚང་འཛོམས་གྲོས་ཚོགས་ཐོག་གཏམ་བཤད་གནང་བཞིན་པ།

རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་བོད་ཀྱི་འཐུས་མི་ཚོགས་པའི་ཚང་འཛོམས་གྲོས་ཚོགས་ཐོག་དགའ་བསུ་ཞུས་ནས་གྲོས་ཆོད་ཀྱི་འཆར་ཟིན་ཁག་ལ་གྲོས་འཆམ་གནང་བཞིན་པ།

↑ རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་གདེང་ཚོད་ཆེན་པོས་ཚོགས་ར་ནས་ཕེབས་བཞིན་པ།

རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ནོར་བུ་གཡང་འཛོམས(དཀྱིལ)ཀྱིས་བོད་ཀྱི་འཐུས་མི་ཚོགས་པའི་ཚོགས་དོན་ཚོགས་ཆུང་ལ་གྲོས་འགོ་འབུལ་བཞིན་པ།

རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་སྐལ་བཟང་སྒྲོལ་མས(དཀྱིལ)མི་དམངས་ཚོགས་ཁང་ཆེན་མོའི་མདུན་དུ་ཡུན་ནན་ཞིང་ཆེན་གྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་དང་མཉམ་པར་སྐྱོན་བཞིན་པ།

རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་འཆི་བདེ(གཡོན)ཡིས་སྨྱན་སྦྱོར་གྱི་བཅར་འདྲི་དང་ལེན་གནང་བཞིན་པ།

དམངས་ཀྱི་སྐད་ཆ་ཉན། དམངས་ཀྱི་འདོད་བློ་བསྡུ། དམངས་ཀྱི་བློ་གྲོས་སྡུད། དམངས་ཀྱི་སྟོབས་ཤུགས་སྒྲིལ། ཟླ་3ཚེས་11ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པའི་གྲོས་རིམ་ཁག་ཐུགས་གྲ་ལེགས་སྒྲིག་བྱུང་སྟེ། པེ་ཅིང་མི་དམངས་ཚོགས་ཁང་ཆེན་མོར་གྲོལ་བ་རེད།

བརྡས་ཐག་གཅོད་ཐེངས་རེ་རེ་དང་ཐལ་མོའི་རྡེབ་སྒྲ་རེ་རེ་ལས་དམངས་གཙོའི་སྐད་སྒྲ་བརྒྱུད་སྤྲོད་བྱེད་པ་དང་། མི་དམངས་ཀྱི་འདོད་བློ་མཚོན་པ། ཐུན་མོང་འབད་འཐབ་ཀྱི་དམིགས་ཚད་གཅིག་སྒྲིལ་བཅས་བྱས་ཡོད་པ་རེད།

རྒྱལ་ཡོངས་ཚོགས་འདུ་གཉིས་རིང་རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་མི་དམངས་ཀྱི་རེ་སྒུག་མཚོན་པར་བྱས་ཏེ་འཕེལ་རྒྱས་ཀྱི་འཆར་གཞི་ཆེན་པོར་ཐུན་མོང་ཐོག་གྲོས་མོལ་གནང་ནས་ཏང་ཀྲུང་དབྱང་དང་རྒྱལ་ཡོངས་མི་དམངས་ལ་བོད་ཀྱི་མི་རིགས་ཁག་གི་མང་ཚོགས་ཀྱི་སེམས་གཏམ་བརྒྱུད་བསྒྲགས་བྱས་པས། སྤྱི་ཡོངས་ལ་བསམ་བཀོད་ཐུབ་པ་དང་། འཕེལ་རྒྱས་ལ་གཞོལ་བ། དམངས་ཆེད་འགན་འཁྲི་སྒྲུབ་པ་བཅས་ཀྱི་འགན་འཁུར་གྱི་སྙིང་སྟོབས་དང་དུས་རབས་ཀྱི་ཉམས་འགྱུར་གང་ལེགས་མངོན་ཡོད། དེ་དང་ཆབས་ཅིག ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུ་བ་དང་། འགན་འཁྲི་ནན་ཏན་སྒྲུབ་པ་དང་ཐུན་མོང་གི་ངོས་འཛིན་གཅིག་ཏུ་རྒྱ་ཁྱབ་བསྒྲིལ་ཏེ་ཆབ་སྲིད་ཀྱི་སྤྲོ་སེམས་རབ་ཏུ་བརྟས་པ་དང་དམ་པ་དོན་གཉེར་གྱི་སྒྲིག་ཁྲིམས་ཀྱི་སྤྱོད་ཚུལ་བསྐྱངས་ནས་མི་དམངས་ཀྱི་མངགས་བཅོལ་ཟབ་མོ་ཆུད་ཟོས་སུ་མི་གཏོང་བ་དང་། ཐབས་འདོན་ཇུས་འགོད་ཧུར་ཐག་བྱེད་པ། འགན་འཁྲི་ནན་ཏན་སྒྲུབ་པ་བཅས་བྱས་ཏེ་སྙན་སྒྲོན་དང་གྲོས་གཞི་ཁག་ལ་གྲོས་ཞིབ་ནན་ཏན་གནང་ཡོད།