[ English ] [ 中文 ]
0891-6325020
དབུ་ཤོག>བོད་ལུགས་གསོ་རིག>ལོ་རྒྱུས་ཀུན་གསལ།
  • དོན་ལྔ་དང་སྣོད་དྲུག་པོའི་ཁམས་དང་བྱེད་ལས་ཇི་ལྟར་ཡིན།

  • ཡོང་ཁུངས།   ཆབ་མདོ་ཉི་འོད་བོད་སྨན་འཕྲིན་སྟེགས།    |    རྩོམ་པ་པོ།      |    སྤེལ་དུས།   2017-03-23

    ལན། གོང་སྨན་དཀོན་མཆོག་བདེ་ལེགས(ཕལ་ཆེར་དུས་རབས་བཅོ་ལྔ་པའི་མཇུག་དུ་སྐུ་འཁྲུངས་སྙམ)ཀྱིས་མཛད་པའི་པོད་དམར་ལས།

    ལུས་ཀྱི་གཙོ་བོ་དྭངས་མའི་རྟེན། །

    སྙིང་སོགས་ལྔ་པོ་བཤད་པར་བྱ །

    སྙིང་ནི་མེ་ཁམས་སེམས་ཀྱི་རྟེན།།

    བདག་འཛིན་དྲན་པ་གསལ་བར་བྱེད།།

    གློ་བ་ལྕགས་ཁམས་དབུགས་ཀྱི་རྟེན།།

    འབྱིན་དང་རྔུབ་པའི་དོན་རྣམས་བྱེད།།

    མཆིན་པ་ཤིང་ཁམས་ཁྲག་གི་རྟེན།།

    ཁྲག་སོགས་དྭངས་མ་འཕེལ་བར་བྱེད།།

    མཆེར་པ་ས་ཁམས་དྭངས་མའི་རྟེན།།

    དྭངས་མ་འཕེལ་ཞིང་ཟས་འཇུ་བྱེད།།

    མཁལ་མ་ཆུ་ཁམས་ཆུ་ཡི་རྟེན།།

    དྲི་ཆུ་འབྱིན་སྡོམ་ལས་བྱེད་དོ།།

    ཞེས་དང་། ཡང་དེ་ཉིད་ལས།

    ལུས་ཀྱི་སྙིགས་མ་གསོག་པའི་སྣོད།།

    ཕོ་བ་སོགས་དྲུག་བཤད་པར་བྱ།།

    ཕོ་བ་ས་ཁམས་མཆེར་པར་འབྲེལ།།

    ཟས་སྐོམ་མྱག་ཅིང་འདྲུལ་བའི་སྣོད།།

    རྒྱུ་མ་མེ་ཁམས་སྙིང་དང་འབྲེལ།།

    ཟས་འཇུ་དྭངས་སྙིགས་འབྱེད་པའི་སྣོད།།

    ལོང་ག་རླུང་ཁམས་གློ་བར་འབྲེལ།།

    རླུང་སྙིགས་ཟས་རོ་གནས་པའི་སྣོད།།

    ལྒང་པ་ཆུ་ཁམས་མཁལ་མར་འབྲེལ།།

    ལུས་ཀྱི་དྲི་ཆུ་གསོག་པའི་སྣོད།།

    སྣོད་མཁྲིས་ཤིང་ཁམས་མཆིན་པར་འབྲེལ།།

    ཁྲག་སྙིགས་འཇུ་བྱེད་གནས་པའི་སྣོད།།

    ཁམས་ཀུན་འདུས་པ་བསམ་སེའུ་ནི།།

    ཐུན་མོང་ཕྱིར་ན་དོན་ཀུན་འབྲེལ།།

    ཕོ་མོའི་ས་བོན་འབྱུང་བའི་སྣོད།།

    བུ་སྣོད་གསང་སྒྲོའང་འདིའི་དུམ་བུ།།

    ཡིན་ཕྱིར་སྣོད་དྲུག་གྲངས་སུ་འདོད།།ཅེས་གསུངས་པ་ལྟར་རོ།།

    --    --

    འགན་འཁུར་རྩོམ་སྒྲིག་པ། ཚེ་རིང་ཆོས་སྒྲོན།