[ English ] [ 中文 ]
0891-6325020
དབུ་ཤོག>གསར་འགྱུར།>བོད་ཁུལ་གསར་འགྱུར།
  • ཐང་བོད་གནའ་ལམ་གྱི་རིག་དངོས་འགྲེམས་སྟོན་མཚོ་སྔོན་དུ་སྤེལ་བ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2018-12-04

    572846_yis_1543810668491.jpg

    ཟླ་11ཚེས་30ཉིན། “ཐང་བོད་གནའ་ལམ་——ཞིང་ཆེན་དང་རང་སྐྱོང་ལྗོངས་བདུན་གྱི་རིག་དངོས་རྩེ་གྲ་མཉམ་འབྲེལ་འགྲེམས་སྟོན”ཞེས་པ་མཚོ་སྔོན་ཞིང་ཆེན་དངོས་མང་རྟེན་རྫས་བཤམས་མཛོད་ཁང་དུ་གཉེར་བ་རེད། མཚོ་སྔོན་དང་། ཧྲའན་ཤིས། ཀན་སུའུ། སི་ཁྲོན། ཉིང་ཞ། ཤིན་ཅང་། བོད་ལྗོངས་བཅས་ཞིང་ཆེན་དང་རང་སྐྱོང་ལྗོངས་བདུན་གྱི་རིག་གནས་དངོས་མང་རྟེན་རྫས་བཤམས་མཛོད་ཚན་པའི་རིག་དངོས་རྩེ་གྲ་200ལྷག་ཙམ་ལྟད་མོ་བར་བཤམས་ནས་ཐང་བོད་གནའ་ལམ་གྱི་དར་རྒྱས་གོང་འཕེལ་གྱི་རྣམ་པ་གཅིག་སྡུད་ཐོག་འགྲེམས་སྟོན་བྱས་པ་རེད།

    572847_yis_1543810670051.jpg

    པར་འདི་གཉིས་ནི་ཟླ་11ཚེས་30ཉིན་མཚོ་སྔོན་ཞིང་ཆེན་དངོས་མང་རྟེན་རྫས་བཤམས་མཛོད་ཁང་དུ་ལྟད་མོ་བས“ཐང་བོད་གནའ་ལམ་——ཞིང་ཆེན་དང་རང་སྐྱོང་ལྗོངས་བདུན་གྱི་རིག་དངོས་རྩེ་གྲ་མཉམ་འབྲེལ་འགྲེམས་སྟོན”ལ་ལྟ་སྐོར་བྱེད་བཞིན་པ།

    ཤིན་ཧྭ་གསར་འགྱུར་ཁང་ཟི་ལིང་ནས་ཟླ་12ཚེས་2ཉིན་གློག་འཕྲིན་འབྱོར་གསལ། ཚེས་30ཉིན། 《ཐང་བོད་གནའ་ལམ——ཞིང་ཆེན་དང་རང་སྐྱོང་ལྗོངས་བདུན་གྱི་་རིག་དངོས་རྩེ་གྲ་མཉམ་འབྲེལ་འགྲེམས་སྟོན》མཚོ་སྔོན་ཞིང་ཆེན་གྱི་རྟེན་རྫས་བཤམས་མཛོད་ཁང་དུ་སྤེལ་འགོ་ཚུགས་པ་རེད།

    མཚོ་སྔོན་ཞིང་ཆེན་རྟེན་རྫས་བཤམས་མཛོད་ཁང་གི་ལས་དོན་པས་ངོ་སྤྲོད་བྱས་པར་གཞིགས་ན། ད་རེས་ཀྱི་འགྲེམས་སྟོན་ལ་མཚོ་སྔོན་དང་། ཀན་སུའུ། ཧྲའན་ཤིས། ཉིང་ཞ། ཤིན་ཅང་། བོད་ལྗོངས། སི་ཁྲོན་བཅས་ཞིང་ཆེན་དང་རང་སྐྱོང་ལྗོངས་བདུན་གྱི་རིག་དངོས་རྩེ་གྲ་200ལྷག་ཙམ་འགྲེམས་སྟོན་བྱས་པ་ལས་ཐང་བོད་གནའ་ལམ་དར་རྒྱས་གོང་འཕེལ་བྱུང་ཚུལ་དང་ལམ་རྒྱུད་ས་ཁུལ་གྱི་ངོས་ནས་བརྗོད་ན་དོན་སྙིང་གལ་ཆེན་ལྡན་ལུགས་གསོན་ཉམས་དོད་པོས་མཚོན་ཡོད་པ་རེད།

    “ཐང་བོད་གནའ་ལམ་རྒྱུད་ཀྱི་རིག་གནས་ཐོན་ཁུངས་ཀྱི་ལེགས་ཆ་གཅིག་ཏུ་བསྡུས་པའི་ད་རེས་ཀྱི་རིག་དངོས་མཉམ་འབྲེལ་འགྲེམས་སྟོན་ནི་ཞིང་ཆེན་དང་རང་སྐྱོང་ལྗོངས་ཀྱི་རྟེན་རྫས་བཤམས་མཛོད་ཁང་ཁག་དབར་རིག་དངོས་ཞིབ་འཇུག་ཐད་ཕྱར་བ་གྲུ་འདེགས་བྱེད་ཐེངས་གཅིག་ཡིན་པ་རེད། ང་ཚོས་གནའ་ལམ་གྱི་རིག་གནས་ཀྱི་གཞི་ཁུངས་འདེད་ནས་དར་གོས་འགྲུལ་ལམ་གྱི་ཨེ་ཤེ་ཡ་ལྷོ་མའི་བར་ཁྱམས་འདི་ཉིད་འཛམ་གླིང་གི་རིག་གནས་ཤུལ་བཞག་ནང་འགོད་རྒྱུའི་རེ་འདུན་ཞུ་བའི་ལས་དོན་ལ་འདེགས་སྐྱོར་བྱས་ཡོད”ཅེས་མཚོ་སྔོན་ཞིང་ཆེན་རྟེན་རྫས་བཤམས་མཛོད་ཁང་གི་ཀོན་ཀྲང་ཏུང་ཀྲེ་ཆང་གིས་བཤད་བྱུང་།

    ཤེས་རྟོགས་བྱུང་བར་གཞིགས་ན། ཐང་བོད་གནའ་ལམ་ནི་ཀྲུང་གོའི་གྲགས་ཆེའི་གནའ་ལམ་ཆེན་པོ་གསུམ་གྱི་ཡ་གྱལ་ཡིན་ཞིང་། ཐང་རྒྱལ་རབས་ཀྱི་རྒྱལ་ས་ཁྲང་ཨན(ད་ལྟའི་ཧྲའན་ཤིས་ཀྱི་ཤིས་ཨན)ནས་འགོ་ཚུགས་པ་དང་བོད་ཀྱི་ལྷ་ས་བར་ཡིན་པ་དང་། ཁྱོན་རིང་ཚད་སྤྱི་ལེ་3000ལྷག་ཙམ་ཡོད་པ། ཧྲའན་ཤིས་དང་། ཀན་སུའུ། མཚོ་སྔོན། སི་ཁྲོན། བོད་ལྗོངས་སོགས་ཞིང་ཆེན(རང་སྐྱོང་ལྗོངས)བརྒལ་བ་བཅས་ཀྱི་ཐང་བོད་གནའ་ལམ་ནི་ཐང་རྒྱལ་རབས་ཚུན་དུ་ཀྲུང་ཡོན་ས་ཁུལ་ནས་མཚོ་སྔོན་དང་། བོད་ལྗོངས། ཐ་ན་ནེ་པ་ལ་དང་རྒྱ་གར་སོགས་སུ་སྐྱོད་སའི་བགྲོད་ལམ་གལ་ཆེན་ཞིག་རེད།

    --    --

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།