ཉིན་ཤས་བསྟུད་མར། རང་ལྗོངས་ཀྱིས“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་ཁག་གཉིས་པའི་སློབ་སྦྱོང་ནང་ཞུགས་མཁན་ཚན་པ་དང་མི་སྣ་ཁྱབ་རྒྱ་ཆེ་བ་དང་། རིགས་མང་བ། གྲངས་འབོར་ཆེ་བ། གནས་ཚུལ་རྙོག་འཛིང་ཆེ་བ་བཅས་ཀྱི་དོན་དངོས་ལ་དམིགས་ནས། ཏང་ཀྲི་པུའི་ཧྲུའུ་ཅི་གསོ་སྦྱོང་དང་། སྒྲོག་འགྲེལ་སློབ་ཁྲིད། གསར་བརྗེའི་སྲོལ་རྒྱུན་སློབ་གསོ། ཏང་གཤིས་སློབ་གསོ། དྲང་ཕྱོགས་དང་ལྡོག་ཕྱོགས་ཀྱི་དཔེ་མཚོན་སློབ་གསོ་སོགས་སྤེལ་བ་བརྒྱུད། སློབ་སྦྱོང་སློབ་གསོའི་དམིགས་སའི་རང་བཞིན་དང་། དངོས་ཕན་རང་བཞིན། ཡིད་དབང་འགུག་ཤུགས་བཅས་རྒྱུན་ཆད་མེད་པར་ཆེ་རུ་བཏང་ནས་བརྗོད་དོན་གཙོ་བོའི་སློབ་གསོར་ཕན་འབྲས་ཡག་པོ་ཐོན་རྒྱུའི་འགན་ལེན་བྱས་ཤིང་། 

འདི་ནི་ལྷོ་ཁ་གྲོང་ཁྱེར་གྲ་ནང་རྫོང་བསམ་ཡས་གྲོང་རྡལ་བསམ་ཡས་སྡེ་ཁུལ་གྱི་ཏང་ཡོན་མང་ཚོགས་ཚོས་བོད་གསར་རྙིང་བསྡུར་བའི་པར་རིས་འགྲེམས་སྟོན་ལ་ལྟ་བཞིན་པ།