[ English ] [ 中文 ]
0891-6325020
དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་ནང་།
  • ལོ་20འདས་རྗེས་རང་རྒྱལ་གྱིས་མིའི་རིཌ་ཀྱི་རྒྱུད་པའི་ཐོན་ཁུངས་དོ་དམ་སྲོལ་ཡིག་དངོས་སུ་ཁྱབ་བསྒྲགས་བྱས་པ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2019-06-12

    ཚེས་10ཉིན་དོ་ཁུར་ཆེན་པོ་བྱེད་པའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མིའི་རིགས་ཀྱི་རྒྱུད་པའི་ཐོན་ཁུངས་དོ་དམ་སྲོལ་ཡིག》དངོས་སུ་ཁྱབ་བསྒྲགས་བྱས་པ་དང་2019ལོའི་ཟླ་7ཚེས་1ཉིན་ནས་བཟུང་ལག་བསྟར་བྱ་རྒྱུ་རེད།

    སྲོལ་ཡིག་ནང་བརྗོད་པའི་མིའི་རིགས་ཀྱི་རྒྱུད་པའི་ཐོན་ཁུངས་ནང་མིའི་རིགས་ཀྱི་རྒྱུད་པའི་ཐོན་ཁུངས་དཔྱད་གཞི་དང་མིའི་རིགས་ཀྱི་རྒྱུད་པའི་ཐོན་ཁུངས་ཆ་འཕྲིན་ཚུད་ཡོད།

    ཤེས་རྟོགས་བྱུང་བར་གཞིགས་ན། ད་ཐེངས་ཁྱབ་བསྒྲགས་བྱས་པའི་སྲོལ་ཡིག་ལ་ཁྱོན་ལེའུ་6དང་དོན་ཚན་47ཡོད་པ་དེ་ནི་1998ལོར་བཟོས་པའི《མིའི་རིགས་ཀྱི་རྒྱུད་པའི་ཐོན་ཁུངས་དོ་དམ་གྱི་གནས་སྐབས་ལག་བསྟར་བྱེད་ཐབས》ཀྱི་ལག་བསྟར་ཉམས་མྱོང་རྨང་གཞིའི་ཐོག་སྲུང་སྐྱོང་བྱེད་ཤུགས་ཆེ་རུ་གཏོང་བ་དང་། ལུགས་མཐུན་ངང་སྤྱོད་པར་སྐུལ་འདེད་གཏོང་བ། ཚད་ལྡན་ཡོང་རྒྱུར་ཤུགས་སྣོན་རྒྱག་པ། ཞབས་ཞུའི་ལྟ་འདོམས་ལེགས་སུ་གཏོང་བ་སོགས་ཐད་རང་རྒྱལ་གྱི་མིའི་རིགས་ཀྱི་རྒྱུད་པའི་ཐོན་ཁུངས་དོ་དམ་ལ་བཟོས་པའི་གཏན་འབེབས་ཤིག་རེད།

    རིགས་གཅིག་མཁས་ཅན་གྱིས། མིའི་རིགས་ཀྱི་རྒྱུད་པའི་ཐོན་ཁུངས་ནི་མིའི་རིགས་ཀྱི“ཚེ་སྲོག་གི་གསལ་བཤད་ཡི་གེ”ལྟ་བུ་རེད། ལོ་20འདས་རྗེས་དངོས་སུ་ཁྱབ་བསྒྲགས་བྱས་པའི་མིའི་རིགས་ཀྱི་རྒྱུད་པའི་ཐོན་ཁུངས་དོ་དམ་སྲོལ་ཡིག་དེས་རང་རྒྱལ་གྱི་མིའི་རིགས་ཀྱི་རྒྱུད་པའི་ཐོན་ཁུངས་དོ་དམ་ལ་ཁྲིམས་ལུགས་ཀྱི་གཞི་འཛིན་ས་གསར་པ་མཁོ་འདོན་བྱ་རྒྱུ་མ་ཟད། རང་རྒྱལ་གྱི་མིའི་རིགས་ཀྱི་རྒྱུད་པའི་ཐོན་ཁུངས་དོ་དམ་སྔར་བས་ལམ་ལུགས་ཅན་གྱི་སྲོལ་ལམ་ཐོག་བསྐྱོད་པ་མཚོན་ཐུབ། གོམ་སྟབས་རྗེས་མར་ཐོན་ཁུངས་སྲུང་སྐྱོང་དོ་དམ་དང་དེ་བཞིན་གསར་སྤེལ་བཀོལ་སྤྱོད་ཐད་དོ་སྙོམས་པ་བྱས་ཏེ་མིའི་རིགས་ཀྱི“ཚེ་སྲོག་གི་གསལ་བཤད་ཡི་གེར”སྲུང་སྐྱོང་དང་ཡག་པོ་སྤྱོད་རྒྱུ་ཡིན་ཞེས་གསུངས་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།