[ English ] [ 中文 ]
0891-6325020
དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་ནང་།
  • “ཀྲུང་གོའི་གནམ་སྤྱན”གྱིས་རྩ་འཕར་བརྟན་སྐར་ཐེངས་དང་པོ་རྙེད་པ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2017-10-12

    ཚེས་10ཉིན་ཀྲུང་གོ་ཚན་རིག་ཁང་རྒྱལ་ཁབ་གནམ་དཔྱད་ལས་ཁུངས་ཀྱིས་པེ་ཅིང་དུ་གསར་འགྱུར་ཡོངས་བསྒྲགས་ཚོགས་འདུ་འཚོགས་ཏེ་རང་རྒྱལ་གྱི་ཁ་ཞེང་སྨི་500ཟིན་པའི་ཟླུམ་ངོས་འཕྲོ་གློག་རྒྱང་ཤེལ(FAST)ལ་ཐོབ་པའི་གྲུབ་འབྲས་ཁག་དང་པོ་ཁྱབ་བསྒྲགས་བྱས་པ་རེད། རྒྱལ་ཁབ་གནམ་དཔྱད་ལས་ཁུངས་ཀྱི་ཞིབ་འཇུག་པ་ལི་ཏིས་ས་གནས་ས་ཐོག་ཏུ་FASTརྒྱང་ཤེལ་སྙོམ་སྒྲིག་ཚོད་ལྟ་བྱེད་པའི་འཕེལ་རིམ་སྔོན་དཔག་ལས་བརྒལ་སོང་། ལྷག་པར་དུ་སྤུས་ལེགས་ཀྱི་རྩ་འཕར་བརྟན་སྐར་གདམ་བྱ་བཅུ་གྲངས་འཚོལ་ཞིབ་ཐུབ་པའི་ནང་བརྟན་སྐར་དྲུག་ལ་རྒྱལ་སྤྱིའི་ར་སྤྲོད་ཐོབ་ཡོད། འདི་ནི་རང་རྒྱལ་གྱི་འཕྲོ་གློག་རྒྱང་ཤེལ་གྱིས་རྩ་འཕར་བརྟན་སྐར་རྙེད་ཐེངས་དང་པོ་རེད།

    རྒྱལ་ཁབ་གནམ་དཔྱད་ལས་ཁུངས་ཀྱི་ཐའེ་ཀྲང་ཡན་ཅུན་གྱིས“ཚོར་སྐྱེན་ཆེ་བའི་FASTརྒྱང་ཤེལ་ནི་རྩ་འཕར་བརྟན་སྐར་འཚོལ་བའི་སྒྲིག་ཆས་ཡག་ཤོས་ཡིན། ད་ཐེངས་ཀྱི་རྩ་འཕར་བརྟན་སྐར་གསར་པ་6ནི་ཀྲུང་གོ་རང་གིས་བཟོས་པའི་སྒྲིག་ཆས་ཀྱིས་རྙེད་ཐེངས་དང་པོ་རེད”ཅེས་བཤད་པ་རེད།

    --    --

    འགན་འཁུར་རྩོམ་སྒྲིག་པ། ཚེ་རིང་ཆོས་སྒྲོན།