[ English ] [ 中文 ]
0891-6325020
དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ཀྲུང་གོ་དང་ལོ་སིའི་བསྐྱར་སྐྱེས་ཐུབ་པའི་ནུས་རྒྱུ་མཉམ་འབྲེལ་ཚོད་ལྟ་ཁང་ཝན་ཐེན་དུ་བཙུགས་པ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2018-01-12

     ལོ་སིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གིས་ཚེས་10ཉིན་གནས་ཚུལ་སྤེལ་བ་གཞིར་བཟུང་། ཀྲུང་གོ་དང་ལོ་སིའི་བསྐྱར་སྐྱེས་ཐུབ་པའི་ནུས་རྒྱུ་གསར་སྤེལ་དང་བེད་སྤྱོད་མཉམ་འབྲེལ་ཚོད་ལྟ་ཁང་བཙུགས་ནས་སྒོ་བྱང་འགེལ་བའི་མཛད་སྒོ་ཉིན་ཤས་གོང་ལོ་སིའི་རྒྱལ་ས་ཝན་ཐེན་དུ་འཚོགས་པ་རེད།

    ཀྲུང་གོ་དང་ལོ་སིའི་བསྐྱར་སྐྱེས་ཐུབ་པའི་ནུས་རྒྱུ་གསར་སྤེལ་དང་བེད་སྤྱོད་མཉམ་འབྲེལ་ཚོད་ལྟ་ཁང་དེ་ཀྲུང་གོ་དང་ལོ་སི་རྒྱལ་ཁབ་གཉིས་ཀྱི་ཚན་རྩལ་པུས་རྒྱབ་སྐྱོར་བྱས་པ་དང་། ཡུན་ནན་དགེ་འོས་སློབ་ཆེན་དང་ལོ་སི་ཚན་རྩལ་པུའི་བསྐྱར་སྐྱེས་ཐུབ་པའི་ནུས་རྒྱུ་དང་རྒྱུ་ཆ་གསར་པའི་ཞིབ་འཇུག་སུའོ་ཡིས་མཉམ་དུ་སྐྲུན་པ་ཞིག་རེད། རྣམ་གྲངས་དེ་ཀྲུང་གོ་ཚན་རྩལ་པུའི་རོགས་སྐྱོར་རྣམ་གྲངས་ཀྱི་ཁོངས་སུ་གཏོགས་པ་དེའི་དམིགས་ཡུལ་ནི་ལོ་སི་ཕྱོགས་ལ་བསྐྱར་སྐྱེས་ཐུབ་པའི་ནུས་རྒྱུའི་ཚོད་ལྟའི་དཔེ་སྟོན་སྒྲིག་ཆས་མཁོ་འདོན་བྱེད་པ་དང་ཆབས་ཅིག་ལོ་སི་ཕྱོགས་ལ་ཆེད་ལས་ཤེས་ལྡན་པ་གསོ་སྐྱོང་བྱེད་རོགས་བྱ་ཆེད་ཡིན་པ་རེད།

    ལོ་སིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཝང་ཝུན་ཐེན་དང་། ལོ་སིའི་མི་དམངས་གསར་བརྗེ་ཏང་གི་ཀྲུང་དབྱང་ཨུ་ཡོན་ཚན་རྩལ་པུའི་པུའུ་ཀྲང་པོ་ཝན་ཁན·ཧྥུང་ཏ་ལ། ཡུན་ནན་དགེ་འོས་སློབ་ཆེན་གྱི་སློབ་སྤྱི་ཅང་ཡུང་ཝུན་སོགས་སྒོ་བྱང་འགེལ་བའི་མཛད་སྒོར་ཞུགས་ཡོད་པ་རེད།

    ཝང་ཝུན་ཐེན་དང་པོ་ཝན་ཁན·ཧྥུང་ཏ་ལས་མཉམ་དུ་མཉམ་འབྲེལ་ཚོད་ལྟ་ཁང་གི་དར་ཚོན་འབྲེག་པ་དང་ཆབས་ཅིག་ཚོད་ལྟ་ཁང་གི་སྒྲིག་ཆས་ཁག་ལ་ལྟ་སྐོར་ཡང་བྱས་པ་རེད། ཕྱོགས་གཉིས་པོས་ད་དུང་ཀྲུང་གོ་དང་ལོ་སིའི་ཚན་རྩལ་ཁྱབ་ཁོངས་ཀྱི་དངོས་སྒྲུབ་མཉམ་ལས་སྔར་བས་གཏིང་ཟབ་ཏུ་གཏོང་རྒྱུ་སོགས་ཀྱི་གནད་དོན་ཐད་བསམ་འཆར་བརྗེ་རེས་བྱས་པ་རེད།

    --    --

    འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།