[ English ] [ 中文 ]
0891-6325020
དབུ་ཤོག>གསར་འགྱུར།
  • ཀྲུང་དབྱང་དམག་ཨུད་ཀྱིས་པེ་ཅིང་དུ་དྲག་ཆས་ཉེན་རྟོག་དཔུང་སྡེར་དར་ཆ་སྤྲོད་པའི་མཛད་སྒོ་འཚོགས་པ།

    ཞི་ཅིན་ཕིང་གིས་དྲག་ཆས་ཉེན་རྟོག་དཔུང་སྡེར་དར་ཆ་སྤྲད་པ་དང་འབྲེལ་བསླབ་སྟོན་བཀའ་སློབ་ཀྱང་གནང་བ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2018-01-12

    471051_yis_1515643257244.jpg

    ཟླ་1ཚེས་10ཉིན་ཀྲུང་དབྱང་དམག་ཨུད་ཀྱིས་དྲག་ཆས་ཉེན་རྟོག་དཔུང་སྡེར་དར་ཆ་སྤྲོད་པའི་མཛད་སྒོ་པེ་ཅིང་བརྒྱད་གཅིག་ཐོག་བརྩེགས་ཁང་ཆེན་དུ་འཚོགས་ཤིང་། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་དྲག་ཆས་ཉེན་རྟོག་དཔུང་སྡེར་དར་ཆ་སྤྲད་པ་དང་འབྲེལ་བསླབ་སྟོན་བཀའ་སློབ་ཀྱང་གནང་ཞིང་། འདི་ནི་ཞི་ཅིན་ཕིང་གིས་དྲག་ཆས་ཉེན་རྟོག་དཔུང་སྡེར་དར་ཆ་སྤྲོད་པའི་གནས་ཚུལ་ཡིན་པ།

    ཚེས་10ཉིན་ཀྲུང་དབྱང་དམག་ཨུད་ཀྱིས་དྲག་ཆས་ཉེན་རྟོག་དཔུང་སྡེར་དར་ཆ་སྤྲོད་པའི་མཛད་སྒོ་པེ་ཅིང་བརྒྱད་གཅིག་ཐོག་བརྩེགས་ཁང་ཆེན་དུ་འཚོགས་ཤིང་། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་དྲག་ཆས་ཉེན་རྟོག་དཔུང་སྡེར་དར་ཆ་སྤྲད་པ་དང་འབྲེལ་བསླབ་སྟོན་བཀའ་སློབ་ཀྱང་གནང་བ་རེད།

    སྔ་དྲོའི་ཆུ་ཚོད་བཅུ་པར་དར་ཆ་སྤྲོད་པའི་མཛད་སྒོ་འགོ་ཚུགས་ཤིང་། དཔོན་དམག་ཚོས་རུ་སྟར་མཚར་དུ་དངར་བ་བསྒྲིགས་ནས་སྐད་གསང་མཐོན་པོས་རྒྱལ་གླུ་བཏང་བ་རེད། གཟབ་སྦྲེང་གུས་དམག་གིས་དྲག་ཆས་ཉེན་རྟོག་དཔུང་སྡེའི་དར་ཆ་སྲུང་བཞིན་གོམ་སྟབས་འགྲིག་པོས་ཀྲུའུ་ཞི་སྡིངས་ཆའི་མདུན་དུ་བསྐྱོད། ཞི་ཅིན་ཕིང་གིས་སྒམ་ནན་ངང་དྲག་ཆས་ཉེན་རྟོག་དཔུང་སྡེའི་སི་ལིང་ཡོན་ཝང་ཉིང་དང་ཆབ་སྲིད་ཨུ་ཡོན་ཀྲུའུ་ཧྲེང་ལིན་ལ་དར་ཆ་སྤྲད་པ་རེད། ཝང་ཉིང་དང་ཀྲུའུ་ཧྲེང་ལིན་གྱིས་སྙིང་སྟོབས་རབ་འཕེལ་གྱིས་ཞི་ཅིན་ཕིང་ལ་གུས་འདུད་ཞུས་ཏེ་ཞི་ཅིན་ཕིང་གི་ཕྱག་ནས་དྲག་ཆས་ཉེན་རྟོག་དཔུང་སྡེའི་དར་ཆ་བླངས་རྗེས་དར་ཆ་འཁྱེར་ནས་དཀྲོང་ངེར་ལངས་པ་རེད། དཔོན་དམག་ཡོངས་ཀྱིས་དྲག་ཆས་ཉེན་རྟོག་དཔུང་སྡེའི་དར་ཆར་གུས་འདུད་ཞུས་པ་རེད།

    དར་ཆ་སྤྲོད་པའི་མཛད་སྒོ་ཚར་རྗེས། ཞི་ཅིན་ཕིང་གིས་བསླབ་སྟོན་བཀའ་སློབ་གནང་ཞིང་། ཁོང་གིས་ཏང་ཀྲུང་དབྱང་གིས་དྲག་ཆས་ཉེན་རྟོག་དཔུང་སྡེའི་བཀོད་འདོམས་སྒྲིག་སྲོལ་ལེགས་སྒྲིག་བྱས་ཏེ་ཏང་ཀྲུང་དབྱང་དང་ཀྲུང་དབྱང་དམག་ཨུད་ཀྱིས་དྲག་ཆས་ཉེན་རྟོག་དཔུང་སྡེར་གཅིག་སྡུད་གཅིག་གྱུར་འགོ་ཁྲིད་ལག་བསྟར་དང་ཀྲུང་དབྱང་དམག་ཨུད་དང་། དྲག་ཆས་ཉེན་རྟོག་དཔུང་སྡེ། དཔུང་སྡེའི་འགོ་ཁྲིད་བཅས་ཀྱི་བཀོད་འདོམས་སྒྲིག་སྲོལ་ལག་བསྟར་བྱ་རྒྱུའི་གཏན་འབེབས་བྱས་ཡོད། དེ་ནི་ཏང་ཀྲུང་དབྱང་གིས་ཕྱོགས་ཡོངས་ནས་ཏང་གིས་རྒྱལ་ཡོངས་ཀྱི་དྲག་ཆས་སྟོབས་ཤུགས་ལ་འགོ་ཁྲིད་གཙང་བཙན་བྱ་རྒྱུ་དོན་འཁྱོལ་དང་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དམག་དོན་ལམ་ལུགས་མཐའ་འཁྱོངས་དང་འཕེལ་རྒྱས་གཏོང་ཆེད་བཏོན་པའི་ཆབ་སྲིད་ཀྱི་གཏན་འབེབས་གལ་ཆེན་ཞིག་ཡིན་པ་མ་ཟད། ཏང་གིས་དུས་རབས་གསར་པར་དམག་དཔུང་སྟོབས་ཆེར་གཏོང་བའི་དམིགས་ཚད་མངོན་འགྱུར་དང་། རྒྱལ་ཁབ་ཀྱི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་རྒྱུར་སྐུལ་འདེད་གཏོང་རྒྱུ། ཏང་དང་རྒྱལ་ཁབ་ཀྱི་ཡུན་རིང་བདེ་འཁོད་མངོན་འགྱུར་བྱ་རྒྱུ་བཅས་ལ་གལ་ཆེ་ལ་རྒྱང་རིང་གཏིང་ཟབ་ཀྱི་དོན་སྙིང་ལྡན་ཡོད་ཅེས་གསུངས་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།