[ English ] [ 中文 ]
0891-6325020
དབུ་ཤོག>རྩོམ་རིག་སྒྱུ་རྩལ།>མངོན་མིན་རིག་གནས་ཤུལ་བཞག>ཐང་ག
  • “སོར་མོའི་འཁྱུག་འགྲོས”ཞེས་པའི་བོད་ཀྱི་ཀརྨ་བཀའ་བརྒྱུད་པའི་ཞལ་ཐང་འགྲེམས་སྟོན་ལྷ་ས་རུ་གཉེར་བ།

  • ཡོང་ཁུངས།   མི་དམངས་དྲ་བའི་འཕྲིན།    |    རྩོམ་པ་པོ།      |    སྤེལ་དུས།   2017-04-28

    F2017042611114283267300287.jpg

    འགྲེམས་སྟོན་ཐོག་གི་ཐང་ག་ལྟ་བཞིན་པ།

    F2017042611125207067300289.jpg

    ཞལ་ཐང་བྲིས་རྒྱུན་རྒྱུན་འཛིན་པ་བསྟན་འཛིན་ཕུན་ཚོགས།

    མི་དམངས་དྲ་བའི་འཕྲིན། ཟླ་4ཚེས་24ཉིན། བོད་རང་སྐྱོང་ལྗོངས་རིག་གནས་ཐིང་གིས་གཙོ་གཉེར་བྱེད་པ་དང་། བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་དང་བོད་ལྗོངས་ཐང་གའི་སྒྱུ་རྩལ་གླིང་གིས་སྒྲུབ་འགན་འཁུར་བའི“སོར་མོའི་འཁྱུག་འགྲོས”ཞེས་པའི་བོད་ཀྱི་ཀརྨ་བཀའ་བརྒྱུད་པའི་ཞལ་ཐང་བྲིས་རྒྱུན་རྒྱུན་འཛིན་པ་རབས་བཅུ་གཅིག་པའི་བསྟན་འཛིན་ཕུན་ཚོགས་གི་ཞལ་ཐང་འགྲེམས་སྟོན་གངས་ལྗོངས་གནས་མཆོག་ལྷ་ས་རུ་གཉེར་བ་རེད།

    ཀརྨ་བཀའ་བརྒྱུད་པའི་ཞལ་ཐང་བྲིས་རྒྱུན་ནི་དུས་རབས་16པའི་དུས་སྨད་དུ་བྱུང་བ་དང་། དེའི་འབྱུང་ཁུངས་ནི་བོད་ལྗོངས་ཀྱི་ཤར་རྒྱུད་ཡིན་ཞིང་། བོད་ལྗོངས་ཤར་རྒྱུད་ཆབ་མདོ་དང་སི་ཁྲོན་དཀར་མཛེས་རྒྱུད་དུ་དར་ཁྱབ་ཆེ་བ་ཡོད།

    འགྲེམ་སྟོན་ཚོམས་ཁང་དུ་ཞལ་ཐང་37འགྲེམས་སྟོན་བྱས་ཡོད་ཅིང་། ཞལ་ཐང་འགྲེམས་སྟོན་གྱིས་ལྷ་རིས་པ་དང་རི་མོར་དགའ་ཞེན་ཅན་མང་པོའི་བློ་ཡིད་བཀུག་སྟེ་འདིར་ལྟ་སྐོར་དང་སློབ་སྦྱོང་བྱེད་པར་ཡོང་བ་རེད། སི་ཁྲོན་ཞིང་ཆེན་དཀར་མཛེས་ནས་ཕེབས་པའི་འཇམ་དཔལ་ཚུལ་ཁྲིམས་ཀྱིས་ཞལ་ཐང་འབྲི་རྩལ་སྦྱངས་ནས་ལོ་5ཕྱིན་པ་དང་། ཁོང་གིས“རྒན་བསྟན་འཛིན་ཕུན་ཚོགས་ལགས་ཀྱི་ཞལ་ཐང་ལ་མཇལ་རྗེས་ཕན་འབྲས་ཧ་ཅང་ཆེན་པོ་ཐོབ་པ་དང་། ཐེངས་འདིའི་ལྟ་སྐོར་ལས་རང་ཉིད་ཀྱི་ཞལ་ཐང་འབྲི་རྩལ་ཐད་ཀྱི་མི་འདང་ས་ཤེས་སོང”ཅེས་བརྗོད་པ་རེད།

    “སོར་མོའི་འཁྱུག་འགྲོས”ཞེས་པའི་བོད་ཀྱི་ཞལ་ཐང་འགྲེམས་སྟོན་རབ་དང་རིམ་པ་ནི་2014ལོ་ནས་གཉེར་འགོ་བརྩམས་པ་ནས་བཟུང་ཞལ་ཐང་འགྲེམས་སྟོན་རབ་དང་རིམ་པ་དུས་ཐེངས་10དང་། ཞལ་ཐང་བྲིས་རྒྱུན་རྒྱུན་འཛིན་པའི་གླེང་སྟེགས་དུས་ཐེངས་6ལེགས་འགྲུབ་ངང་གཉེར་ཞིང་། དེང་སྐབས་འགྲེམས་སྟོན་འདི་ནི་ཞལ་ཐང་སྒྱུ་རྩལ་པས་ལག་རྩལ་སྤེལ་རེས་བྱེད་སའི་སྟེགས་བུ་དང་བོད་ཀྱི་རིག་གནས་ཁྱབ་སྤེལ་བྱེད་པའི་རྟེན་གཞིར་གྱུར་ཡོད་པ་རེད། གོང་གི་པར་རིས་ནི་ལྟ་སྐོར་བས་ཞལ་ཐང་མཇལ་བཞིན་པ།

    --    --

    འགན་འཁུར་རྩོམ་སྒྲིག་པ། ཉི་ཆོས།