[ English ] [ 中文 ]
0891-6325020
དབུ་ཤོག>བོད་ཀྱི་རིག་གནས།>མངོན་མིན་རིག་གནས་ཤུལ་བཞག
  • མངོན་མིན་རིག་གནས་ཤུལ་བཞག་དང་དེང་རབས་འཚོ་བ་འབྲེལ་མཐུད་བྱས་ནས་ངོ་མཚར་གཏོད་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2022-06-14

    ཚེས་11ཉིན་གྱི་སྔ་དྲོ། རང་སྐྱོང་ལྗོངས་རིག་གནས་ཐིང་གིས་གཙོ་གཉེར་བྱས་པའི་2022ལོའི“རིག་གནས་དང་རང་བྱུང་ཤུལ་བཞག་ཉིན་མོའི”འགོ་ཚུགས་མཛད་སྒོ་དང་ཚོགས་ར་གཙོ་བོའི་བྱེད་སྒོ་དེ་འཛམ་གླིང་རིག་གནས་ཤུལ་བཞག་ནོར་བུ་གླིང་ཁར་འགོ་ཚུགས་པ་རེད།

    བྱེད་སྒོ་སྤེལ་ཡུལ་དུ་ལྷ་མོ་དང་། གཞས་ཆེན། སྟོད་གཞས། རྒོད་གླིང་སོགས་མངོན་མིན་རིག་གནས་ཤུལ་བཞག་གི་གླུ་གར་ངོམ་སྟོན་བྱས་པ་ལས་གྲོང་མི་དང་ཡུལ་སྐོར་བ་མང་པོའི་ཡིད་དབང་བཀུག་ཡོད། སྤོས་དང་། ཀོ་ཆས། འབག་སོགས་སྲོལ་རྒྱུན་ལག་ཤེས་བཟོ་རྩལ་དག་ལས་མི་རྣམས་ཀྱི་ཡིད་དབང་འཕྲོག འཇིམ་རྐོས་དང་། ཐང་གཡིག་གཟུགས་སོགས་ཕུན་སུམ་ཚོགས་པའི་རིག་གནས་བསམ་བཀོད་ཐོན་རྫས་ལྟ་བས་མི་ངོམ་པ་ཡོད་པས། ཚང་མས་དགའ་པོ་བྱེད་ཀྱི་ཡོད། ད་ཐེངས་ཀྱི་ཚོགས་ར་གཙོ་བོའི་བྱེད་སྒོར་མངོན་མིན་རིག་གནས་ཤུལ་བཞག་གི་བཟོ་ཁང་དང་རིག་གནས་བསམ་བཀོད་ཁེ་ལས་10ལྷག་ཙམ་ཞུགས་པ་དང་མངོན་མིན་རིག་གནས་ཤུལ་བཞག་ཐོན་རྫས་དང་རིག་གནས་བསམ་བཀོད་ཐོན་རྫས་200ལྷག་ཙམ་འགྲེམས་སྟོན་བྱས་ཡོད་པ་རེད།

    བྱེད་སྒོར་ད་དུང“རྒོད་གླིང་སྒྱུ་རྩལ”ཁྲིད་སྦྱོང་རྟེན་གཞི་དང་། “མངོན་མིན་རིག་གནས་ཤུལ་བཞག་སློབ་གྲྭར་ཁྱབ་གདལ་གཏོང་བའི་དཔེ་སྟོན་རྟེན་གཞི་ཁག་གཉིས་པ” རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་ཁག་ལྔ་པར་སྒོ་བྱང་སྤྲོད་པའི་མཛད་སྒོ་འཚོགས་པ་རེད།

    ཉེ་བའི་ལོ་ཤས་རིང་བོད་ཀྱི་རིག་གནས་ཤུལ་བཞག་སྲུང་སྐྱོབ་ལས་དོན་ལ་ཕན་འབྲས་བཟང་པོ་ཐོབ་པ་དང་འཕེལ་རྒྱས་མྱུར་པོ་བྱུང་ཡོད། མིག་སྔའི་བར་ལྗོངས་ཡོངས་སུ་རིམ་པ་ཁག་གི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་2600ཡོད་པ་དང་། མཚོན་བྱེད་རང་བཞིན་གྱི་རྒྱུན་འཛིན་པ་1668ཡོད་པ། མངོན་མིན་རིག་གནས་ཤུལ་བཞག་གི་བཟོ་ཁང་121ཡོད་པ་རེད།

    --    --

    འགན་འཁུར་རྩོམ་སྒྲིག་པ། སྐལ་བཟང་གྲགས་པ།