[ English ] [ 中文 ]
0891-6325020
དབུ་ཤོག>པར་མཛོད།>པར་མཁན།
  • འབྱོར་ཕྱུག་གཏམ་བཟང་འབྲུག་སྒྲ་ལྡིར་བཞིན་གྲགས། དམངས་འཚོ་ལེགས་པའི་དགོད་སྒྲས་ས་གཞི་བཀང་།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2018-01-01

    1021ht1 (2).jpg

    གཞུང་ལམ་དྲ་རྒྱ་ཕྱོགས་མཚམས་གར་སར་འཐེན།

    0728ft1.jpg

    ཟས་རིགས་སྣ་ཚོགས་གང་དགོས་ཅི་ཡང་འཛོམས།

    446235_yis_1508944150067.jpg

    དབུལ་སྐྱོར་ཁང་བཟང་ཀླུ་ཡི་ཕོ་བྲང་འདྲ།

    441842_yis_1507861781298.jpg

    བདེ་སྐྱིད་འཚོ་བ་བཞིན་གྱི་འཛུམ་ལས་མངོན།

    0425dt9.jpg

    དཔེ་དེབ་ཀློག་པ་དར་སྲོལ་གསར་པར་གྱུར།

    0810bt2.jpg

    སྐྱིད་པའི་འཚོ་བར་བསྟོད་པའི་གར་སྟབས་བྲེལ།

    x0407gt1.jpg

    རེ་བའི་མྱུ་གུ་སྐྱེ་སྟོབས་འབར་བཞིན་འཚར།

    ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། རང་སྐྱོང་ལྗོངས་ཀྱིས“ལྗོངས་ཡོངས་ཀྱི་མི་རིགས་ཁག་གི་མང་ཚོགས་ལ་སྦྱོང་དུས་སློབ་མཁན་ཡོད་པ་དང་། ངལ་རྩོལ་ལ་ཐོབ་ཆ་ཡོད་པ། ན་དུས་སྨན་བཅོས་ཐུབ་པ། རྒས་དུས་འཚོ་རྟེན་ཡོད་པ། སྡོད་སའི་ཁང་པ་ཡོད་པ”བཅས་ཀྱི་བླང་བྱ་གཞིར་བཟུང་ཐོག་མཐའ་བར་གསུམ་དུ་དམངས་གཅེས་དང་། དམངས་བདེ། དམངས་ཕན་བཅས་ཀྱི་འདུ་ཤེས་རྒྱུན་འཛིན་གྱིས་ལོ་ལྟར་70%ཡན་གྱི་ནོར་ཤུགས་དམངས་འཚོའི་ཐད་གཏོང་རྒྱུ་མཐའ་འཁྱོངས་དང་གཙོ་བོ་ཞིང་འབྲོག་མང་ཚོགས་དང་། གཞི་རིམ། ཉམས་ཞན་ཚོགས་སྤྱི་བཅས་སུ་ཕྱོགས་པ་དང་འབྲེལ་ནུས་ཤུགས་ཡོད་རྒུས་དམངས་འཚོའི་བྱ་བ་སྟེ་ལོ་བཅོ་ལྔའི་རིན་མེད་སློབ་གསོ་དང་། “གཅིག་སྡུད་གཉིས” གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་རྒན་གསོ་འགན་བཅོལ་ཆ་སྙོམས་ཅན་བཅས་སྔོན་ལ་མངོན་འགྱུར་བྱས་པར་བརྟེན་མི་རིགས་ཁག་གི་མང་ཚོགས་ཀྱི་ཐོབ་ཚོར་དང་བདེ་སྐྱིད་ཚོར་སེམས་སྔར་བས་ཆེ་རུ་ཕྱིན་ཡོད།

    ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། རང་སྐྱོང་ལྗོངས་ཀྱིས་སློབ་གསོ་དམངས་འཚོའི་འདུ་འགོད་ཨང་དང་པོར་བརྩིས་པ་དང་འབྲེལ་སྔོན་ལ་འཕེལ་རྒྱས་གཏོང་བའི་གནས་བབ་ཏུ་བཞག་ནས་སྤྱི་པའི་ནོར་སྲིད་ནས་སློབ་གསོར་མ་དངུལ་གཏོང་ཤུགས་མང་དུ་བཏང་བ་དང་། སློབ་གསོའི་དམངས་ཕན་སྲིད་ཇུས་རབ་དང་རིམ་པ་བཟོས་ནས་བཏོན་པ། “སློབ་གྲྭར་འགྲོ་འདོད་པ་དང་། སློབ་གྲྭར་འགྲོ་ཐུབ་པ། སློབ་གྲྭ་ཡག་པོ་འགྲིམ་ཐུབ་པ”བཅས་ཀྱི་གནད་དོན་ཐག་གཅོད་ནུས་ལྡན་བཅས་བྱས་པར་བརྟེན་ཞིང་འབྲོག་པ་དང་ཁྱིམ་ཚང་དབུལ་པོའི་བུ་ཕྲུག་སློབ་གྲྭར་སྐྱོད་པའི་འདུན་པ་གྲུབ་ཡོད། མིག་སྔར་བོད་དུ་སློབ་ཞུགས་གོང་གི་སློབ་གསོ་ནས་མཐོ་རིམ་སློབ་འབྲིང་སློབ་གསོའི་བར་གྱི་ལོ་བཅོ་ལྔའི་རིན་མེད་སློབ་གསོའི་མ་ལག་བསྐྲུན་ཟིན་པས་ཞིང་འབྲོག་པའི་བུ་ཕྲུག་ཚོས་ཟ་མ་དང་། ཉལ་ཁང་། སློབ་ཡོན་བཅས“འགན་ལེན་གསུམ”གྱི་སྲིད་ཇུས་ལོངས་སུ་སྤྱོད་བཞིན་ཡོད་པ་དང་ཡིག་ཚགས་དང་གཱ་བཟོས་པའི་ཁྱིམ་ཚང་དབུལ་པོའི་བུ་ཕྲུག་སློབ་ཡོན་མི་དགོས་པར་སློབ་ཆེན་དུ་བསྐྱོད་ཆོག་གི་ཡོད།

    ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་སྔ་ཕྱི་བར་གསུམ་དུ་བོད་ཀྱི་སྨན་བཅོས་བྱ་གཞག་འཕེལ་རྒྱས་ལ་ཚད་མཐོའི་མཐོང་ཆེན་གནང་བ་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གིས“མི་རིགས་ཁག་གི་མང་ཚོགས་ལ་ན་ཚ་ཉུང་ཙམ་ཕོག་པ་དང་། ནད་ལྟ་ཐུབ་པ། སྨན་བཅོས་ཡག་པོ་བྱེད་དགོས་པ”བཅས་ཀྱི་བླང་བྱ་བཏོན་ཡོད། 2017ལོའི་ལོ་འགོར། ལྗོངས་ཡོངས་ཀྱི་ཤང་གྲོང་འཕྲོད་བསྟེན་ཁང་དང་བོད་སྨན་སྡེ་ཁག་ཁྱབ་ཚད་89%ཟིན་པ་དང་སྦྲུམ་མ་སྨན་ཁང་དུ་ཕྲུ་གྲུ་བཙའ་ཚད་92%ཟིན་ཡོད། བོད་སྐྱོར་སྨན་བཅོས་རུ་ཁག་གི་སྒེར་སེམས་མེད་པའི་རོགས་སྐྱོར་འོག་ལྗོངས་རིམ་པའི་སྨན་ཁང་འཛུགས་པར་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་། ཤེས་ལྡན་མི་སྣ་གསོ་སྐྱོང་ལ་དགའ་འོས་པའི་གྲུབ་འབྲས་ཐོབ་པ། སྨན་བཅོས་ཞབས་ཞུའི་ཆུ་ཚད་ཆེས་ཆེར་མཐོ་རུ་ཕྱིན་པ། སྨན་ཁང་དོ་དམ་གྱི་སྒྱུར་བཅོས་གོམ་ཞེང་ཆེན་པོས་མདུན་དུ་བསྐྱོད་པ་བཅས་ཀྱི་རྣམ་པ་བཟང་པོ་ཐོན་ཡོད།

    སྨན་བཅོས་འགན་ལེན་སྲིད་ཇུས་འཐུས་སྒོ་ཚང་དུ་སོང་ནས་ནད་གཞིས་རྐྱེན་པས་དབུལ་པོ་ཆགས་པ་དང་ནད་གཞིས་རྐྱེན་པས་བསྐྱར་དུ་དབུལ་པོ་ཆགས་པའི་བོད་ཀྱི་ཞིང་འབྲོག་མང་ཚོགས་ཇེ་ཉུང་དུ་འགྲོ་གི་ཡོད། 2013ལོར་པ་སངས་ཀྱི་ཟླ་བོ་ཚེ་རིང་བྱམས་པར་ཕོ་སྐྲན་ཕོག་པ་ཤེས། སྨན་ཁང་དུ་སྔ་རྗེས་སུ་སྨན་བཅོས་ཐེངས་གཉིས་བྱས་པར་ཁྱོན་སྨན་རིན་སྒོར་ཁྲི་23ཙམ་སོང་་བ་དག་སྨན་བཅོས་འགན་བཅོལ་ནས་རྩིས་ཞུ་བྱས་པ་དང་ནད་ཆེན་སྨན་བཅོས་རོགས་སྐྱོབ་ཀྱི་དངུལ་སྒོར་ཁྲི་3.8བྱུང་བས། ཁྱོན་རྩིས་ཞུ་བྱས་འབོར་90%ལྷག་ཙམ་ཟིན་ཡོད། དེས་ན། པ་སངས་ཀྱིས“ཏང་དང་རྒྱལ་ཁབ་ལས་ལྷག་པ་གང་ཡང་མི་འདུག ཏང་དང་རྒྱལ་ཁབ་མེད་ན་རང་གི་ཁང་པ་བཙོངས་ཀྱང་སྨན་རིན་འདང་ས་མ་རེད”ཅེས་བཤད།

    རང་སྐྱོང་ལྗོངས་ནོར་སྲིད་ཐིང་གི་ཐིང་ཀྲང་གཞོན་པ་ཅང་གོ་ཅེ་ཡིས་2017ལོར་རང་སྐྱོང་ལྗོངས་ནོར་སྲིད་ནས་སྒོར་དུང་ཕྱུར་300བཏང་ནས་ཞིང་འབྲོག་པར་མུ་མཐུད་གཟིགས་སྐྱོང་བྱ་རྒྱུ་ཡིན། “འབྱུང་འགྱུར་ང་ཚོས་དམངས་འཚོ་ལེགས་སུ་གཏོང་རྒྱུ་མུ་མཐུད་འཕེལ་རྒྱས་ཀྱི་གནས་བབ་ཨང་དང་པོར་བཞག་སྟེ་གཞི་རྩའི་སྤྱི་པའི་ཞབས་ཞུའི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ་དང་། སློབ་གསོའི་ཞན་ཆ་གསབ་པ། སྨན་པ་དཀོན་ཅིང་སྨན་ཉུང་བའི་ཞྭ་མོ་འཕུད་པ། སྤྱི་ཚོགས་འགན་ལེན་གྱི་བདེ་འཇགས་དྲ་བ་བརྟན་དུ་གཏོང་བ་སོགས་བྱས་ནས་མི་རིགས་ཁག་གི་མང་ཚོགས་སྔར་བས་བདེ་སྐྱིད་ལྡན་པའི་འཚོ་བ་ཞིག་སྐྱེལ་རྒྱུ་ཡོང་བ་བྱ་རྒྱུ་ཡིན”ཞེས་བཤད།

    --    --

    འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།