གསར་འགོད་པར་ཤེས་རྟོགས་བྱུང་བར། ཉེ་ཆར་ཁྲིམས་འཛིན་པུའུ་དང་དམངས་སྲིད་པུས《“རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་གི་དཔེ་སྟོན་གྲོང་ཚོ(སྡེ་ཁུལ)”ཁག་དགུ་པའི་མིང་འདོགས་པའི་སྐོར་གྱི་གཏན་འབེབས》པར་འགྲེམས་བྱས་ཏེ། གྲོང་ཚོ(སྡེ་ཁུལ)1136ལ“རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་གི་དཔེ་སྟོན་གྲོང་ཚོ(སྡེ་ཁུལ)”ཁག་དགུ་པའི་མིང་འདོཌ་པའི་གཏན་འབེབས་བྱས་པ་རེད། དེའི་ནང་བོད་ཀྱི་གྲོང་ཚོ(སྡེ་ཁུལ)16ལ་མིང་བཏགས་ཡོད།
“རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་གི་དཔེ་སྟོན་གྲོང་ཚོ(སྡེ་ཁུལ)”ཁག་དགུ་པའི་མཚན་སྙན་ཐོབ་པའི་རང་ལྗོངས་ཀྱི་གྲོང་ཚོ(སྡེ་ཁུལ)སྟེ། ལྷ་ས་གྲོང་ཁྱེར་གྱི་སྟོད་ལུང་བདེ་ཆེན་ཆུས་དམར་གྲོང་རྡལ་དམར་གྲོང་ཚོ་དང་འདམ་གཞུང་རྫོང་ལུང་རིང་ཤང་མཆོད་རྟེན་ར་མགོ་གྲོང་ཚོ་དང་། གཞིས་རྩེ་གྲོང་ཁྱེར་གྱི་བསམ་གྲུབ་རྩེ་ཆུས་གྲོང་ནུབ་ཁྲོམ་གཞུང་དགའ་ཡུལ་སྡེ་ཁུལ་དང་། རྒྱལ་རྩེ་རྫོང་ར་སོག་ཤང་ནོར་ཁང་གྲོང་ཚོ། དིང་རི་རྫོང་ཤེལ་དཀར་གྲོང་རྡལ་ཆུ་ཤར་གྲོང་ཚོ། ལྷོ་ཁ་གྲོང་ཁྱེར་གྱི་སྣ་དཀར་རྩེ་རྫོང་ཕུ་མ་བྱང་ཐང་ཤང་ས་མཚམས་གྲོང་ཚོ་དང་མཚོ་སྨད་རྫོང་གྲི་གུ་གྲོང་རྡལ་སྒྲུབ་སྡེ་གྲོང་ཚོ། ཉིང་ཁྲི་གྲོང་ཁྱེར་གྱི་བྲག་ཡིབ་ཆུས་ཇོ་མོ་ཁྲོམ་གཞུང་གཉིས་བཀུར་ལམ་སྡེ་ཁུལ་དང་ཀོང་པོ་རྒྱ་མདའ་རྫོང་གྲོང་གསར་ཤང་དཔའ་ནང་གྲོང་ཚོ། ཆབ་མདོ་གྲོང་ཁྱེར་གྱི་སྟེང་ཆེན་རྫོང་སྟེང་ཆེན་གྲོང་རྡལ་སྟེང་ཆེན་གྲོང་ཚོ་དང་མཛོ་སྒང་རྫོང་ཝ་མདའ་གྲོང་རྡལ་གླད་དག་གྲོང་ཚོ། ནག་ཆུ་གྲོང་ཁྱེར་གྱི་སྙན་རོང་རྫོང་སེ་ཆེན་ཤང་ཕག་གཡུ་གྲོང་ཚོ་དང་སྦྲ་ཆེན་རྫོང་གླ་ཤི་གྲོང་རྡལ་འབྲོང་རྔ་གྲོང་ཚོ། མངའ་རིས་ས་ཁུལ་གྱི་མཚོ་ཆེན་རྫོང་ཆུ་ལྷོ་ཤང་གཞུང་མ་གྲོང་ཚོ་དང་། དགེ་རྒྱས་རྫོང་སྣ་ཕུག་སྡེ་ཁུལ། སྒེར་རྩེ་རྫོང་སྒེར་རྩེ་གྲོང་རྡལ་གྱི་དོན་གྲུབ་ཁང་གསར་སྡེ་ཁུལ་བཅས་རེད།