[ English ] [ 中文 ]
0891-6325020
དབུ་ཤོག>དབུ་ཤོག་ལེ་ཚན།>གལ་ཆེའི་གསར་འགྱུར།
  • རིན་སྤུངས་རྫོང་གིས་གཞི་རིམ་ཏང་འཛུགས་སྐྱོང་ལས་དོན་ལ་སྐུལ་འདེད་གཏོང་རྒྱུ་དེ་སྐས་རིམ་གསར་པ་ཞིག་ཏུ་སླེབས་པར་བྱས་པ།

    དཔེ་མཚོན་གསོ་སྐྱོང་ལ་དམ་འཛིན་གྱིས་ཉམས་ཞན་ལྷུ་ཚིགས་ཐག་གཅོད་བྱས་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2020-12-23

    འདི་ལོ་རིན་སྤུངས་རྫོང་གིས་ལས་འགན་གྱི་གཙོ་གནད་ལ་དམིགས་པ་དང་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱས་ཏེ་གནད་ཀྱིས་ཁྱོན་ལ་སྣེ་ཁྲིད་པ་དང་། རྩ་སྲ་རྨང་བརྟན་གྱི་བསམ་བློ་ཤུགས་ཆེར་བཏང་བ། གཞི་རིམ་ལ་དམ་འཛིན་ཤུགས་ཆེན་བྱེད་པའི་ཕྱོགས་སྟོན་གསལ་པོ་འཛུགས་པ། གཞི་རིམ་ཏང་འཛུགས་སྐྱོང་གི་གསོན་ཤུགས་འཕེལ་བར་བྱེད་པ་བཅས་བྱས་ནས་གཞི་རིམ་ཏང་འཛུགས་སྐྱོང་ལས་དོན་གྱི་ཆུ་ཚད་སྤྱི་ཡོངས་ནས་མཐོ་རུ་འགྲོ་རྒྱུར་སྐུལ་འདེད་བཏང་བ་རེད།

    གཙོ་གནད་ལས་འགན་ལ་དམིགས་ཏེ་དཔེ་མཚོན་གསོ་སྐྱོང་བྱ་རྒྱུར་དམ་འཛིན་ཡག་པོ་བྱས་ཤིང་། རིན་སྤུངས་རྫོང་གིས་དཔེ་མཚོན་རྙིང་པ་སྐས་རིམ་གསར་པ་ཞིག་ཏུ་སླེབས་པ་དང་དཔེ་མཚོན་གསར་པར་ཉམས་མྱོང་གསར་པ་ཡོང་རྒྱུར་སྐུལ་འདེད་བཏང་སྟེ་སྔོན་ཐོན་གཞི་རིམ་ཏང་རྩ་འཛུགས་ཀྱིས་མང་ཚོགས་ལ་ཞབས་འདེགས་ཞུ་བ་དང་། སྒྱུར་བཅོས་ལ་ཞབས་འདེགས་ཞུ་བ། འཕེལ་རྒྱས་ལ་ཞབས་འདེགས་ཞུ་བ། དམངས་འཚོར་ཞབས་འདེགས་ཞུ་བ། ཏང་ཡོན་ལ་ཞབས་འདེགས་ཞུ་བ་བཅས་ཀྱི་ཚད་ཤིང་གི་སྣེ་ཁྲིད་ནུས་པ་འདོན་སྤེལ་གང་ལེགས་བྱས་ཏེ་གྲོང་ཚོའི་མཉམ་སྡེབ་དཔལ་འབྱོར་འཕེལ་རྒྱས་གཏོང་མཁན་ཁང་གཞུང་ཤང་རྔ་གྲོང་ཚོའི་ཏང་ཀྲི་པུའུ་དང་། ཏང་འཛུགས་སྐྱོང་ཚད་ལྡན་ངང་འཁོར་སྐྱོད་བྱེད་མཁན་བྱེ་བ་ཤང་ནུབ་མདའ་གྲོང་ཚོའི་ཏང་ཀྲི་པུའུ། སློབ་གསོའི་ཁྱབ་ཁོངས་ཀྱི་སློབ་འབྲིང་གི་ཏང་སྤྱི་ཁྱབ་ཀྲི་པུའུ་སོགས་ཏང་འཛུགས་སྐྱོང་གི་དཔེ་སྟོན་ས་ཚིགས་བཏོད་ཡོད་པ་རེད། གཅིག་གྱུར་འཆར་འགོད་བྱེད་པ་དང་དུས་མཚུངས་ཁྱབ་ཁོངས་མི་འདྲ་བ་དང་རིགས་མི་འདྲ་བའི་ཚན་པའི་ལས་ཀའི་ངོ་བོ་དང་ཁྱད་ཆོས་ལ་གཞིགས་ཏེ་ཤང་དང་གྲོང་རྡལ་དང་། ལས་ཁུངས། གྲོང་ཚོ། སློབ་གྲྭ “གསར་གཉིས”རྩ་འཛུགས་སོགས་རིགས་མི་འདྲ་བའི་དཔེ་སྟོན་ས་ཚིགས་འཛུགས་གཏོད་ཀྱི་ཚད་གཞི་རིགས་དབྱེ་གཏན་འཁེལ་བྱས་ཏེ་འཛུགས་གཏོད་ལས་ཀའི་བཀོལ་སྤྱོད་རང་བཞིན་ཇེ་ཡག་ཏུ་བཏང་ཡོད་པ་རེད།

    གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱས་ཏེ་ཉམས་ཞན་ལྷུ་ཚིགས་ཐག་གཅོད་བྱས་པ། རིན་སྤུངས་རྫོང་གིས་ནུས་མེད་ཟབ་ཟོབ་ཀྱི་གཞི་རིམ་ཏང་རྩ་འཛུགས་ཀྱི་དག་ཐེར་ལས་དོན་གཏིང་ཟབ་སྤེལ་ནས“ཀྲི་པུའུ་རེར་ཐབས་ཇུས་རེ་དང་གནད་དོན་རེར་བྱེད་ཐབས་རེ་ཡོད་པ”མཐའ་འཁྱོངས་བྱས་ཏེ་རིམ་སྤོར་དག་ཐེར་གྱི་ལས་ཀར་དམ་འཛིན་ཏན་ཏིག་བྱས་ཡོད། རྫོང་ཨུད་ཚན་ཁག་གི་ཁོངས་མིས་ནུས་མེད་ཟབ་ཟོབ་ཀྱི་གྲོང་ཚོ་འགན་གཙང་བླངས་ནས་དག་ཐེར་དང་། ཤང་དང་གྲོང་རྡལ་ཏང་སྲིད་ཀྱི་གཙོ་འགན་འཁུར་མཁན་གྱིས་གྲོང་ཚོ་འགན་གཙང་བླངས་ནས་དག་ཐེར། གྲོང་སྡོད་ལས་དོན་རུ་ཁག་དང་ཧྲུའུ་ཅི་ཨང་དང་པོས་དག་ཐེར་ལས་དོན་གྱི་བརྒྱུད་རིམ་ཧྲིལ་པོར་ཞུགས་ནས་གོང་འོག་མཐུན་སྦྱོར་ཤུགས་འདོན་གྱིས་ནུས་མེད་ཟབ་ཟོབ་ཀྱི་གཞི་རིམ་ཏང་རྩ་འཛུགས་དག་ཐེར་དང་ནང་སྐྱེས་སྒུལ་ཤུགས་ཆེ་རུ་བཏང་བས། ཏང་རྩ་འཛུགས་ཀྱི་བྱེད་སྒོ་རྒྱུན་གཏན་ཅན་དང་ལམ་ལུགས་ཅན་དུ་འགྱུར་བ་དང་། ཏང་ཡོན་གྱིས་ཏང་རྩ་འཛུགས་ལ་གཏོགས་སེམས་སྔར་བས་ཆེ་རུ་ཕྱིན་པ། ཞབས་ཞུའི་འདུ་ཤེས་ཟབ་ཏུ་དང་ཞབས་ཞུའི་ཆུ་ཚད་མཐོ་རུ་ཕྱིན་པ། དག་ཐེར་བྱས་རྗེས་ཏང་རྩ་འཛུགས་ལ་བྱུང་བའི་འགྱུར་ལྡོག་མང་ཚོགས་ཀྱིས་ཚོར་ཐུབ་པ། ཏང་ཡོན་དང་མང་ཚོགས་ཀྱིས་ཏང་རྩ་འཛུགས་ལ་བློ་ཡིད་ཚིམ་ཚད་རྒྱུན་ཆད་མེད་པར་ཆེ་རུ་ཕྱིན་པ་བཅས་བྱུང་ཡོད་པ་རེད།

    སྔོན་ཐོན་ལ་གཟེངས་བསྟོད་དང་རྗེས་ལུས་ལ་སྐུལ་ལྕག་བྱས་པ། རིན་སྤུངས་རྫོང་གིས་སྔོན་ཐོན་མཉམ་སྡེབ་དང་ཕུལ་བྱུང་མི་སྒེར་སྣ་ཚོགས་ཤེས་རྟོགས་གང་ལེགས་བྱས་ཏེ་གཞི་རིམ་ཏང་འཛུགས་སྐྱོང་དང་། རིམས་ནད་སྔོན་འགོག་དང་ཚོད་འཛིན། དབུལ་སྒྲོལ་འགག་སྒྲོལ་བཅས་ལས་མཚོན་ཚུལ་མངོན་གསལ་དོད་པའི་སྔོན་ཐོན་མཉམ་སྡེབ་14དང་ཕུལ་བྱུང་མི་སྒེར་106ལ་གཟེངས་བསྟོད་བྱས་ནས་རྗེས་ལུས་ལ་སྐུལ་ཁྲིད་དང་སྐུལ་ལྕག་དང་ཉེ་འགྲམ་གྱི་ཏང་ཡོན་ལ་སློབ་གསོ་དང་ཤུགས་རྐྱེན་ཐེབས་པར་བྱས་ཏེ་ཏང་ཡོན་ལས་བྱེད་པར་ལྟ་སའི་དར་ཆ་ཡོད་པ་དང་། སློབ་སྦྱོང་བྱེད་པར་མིག་དཔེ་ཡོད་པ། འགྲན་བསྡུར་བྱེད་པར་ཁ་ཕྱོགས་ཡོད་པ། བྱ་སྤྱོད་སྤེལ་བར་དཔྱད་གཞི་འཛིན་ས་ཡོད་པ། རྗེས་སྙེག་བྱེད་པར་དམིགས་འབེན་ཡོད་པ་བཅས་བྱེད་པ་དང་། ཏང་ཡོན་ལས་བྱེད་པས་སྔོན་ཐོན་ལ་ཚད་བསྡུར་དང་འགྲན་སློབ་སྙེག་བརྒལ་ལ་ལྕག་སྐུལ་བྱེད་པ། གཞི་རིམ་ཏང་འཛུགས་སྐྱོང་གི་གསོན་ཤུགས་འཕེལ་བར་བྱེད་པ་བཅས་བྱས་ཏེ་གཞི་རིམ་ཏང་འཛུགས་སྐྱོང་ལས་ཀའི་ཆུ་ཚད་སྤྱི་ཡོངས་ནས་མཐོ་རུ་འགྲོ་རྒྱུར་སྐུལ་འདེད་བཏང་ཡོད་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།