[ English ] [ 中文 ]
0891-6325020
དབུ་ཤོག>དབུ་ཤོག་ལེ་ཚན།>གལ་ཆེའི་གསར་འགྱུར།
  • ཧྥེན་ལུང་འདེབས་གསོའི་ལག་རྩལ་གསར་པར་བརྟེན་ནས་ལྷོ་ཁའི་འབྲུ་ཐོན་འཕར་ཡོང་བ་བྱས་པ།

    ​ ཆ་སྙོམས་མུའུ་རེ་ནས་འབྲུ་སྤྱི་རྒྱ་63.6འཕར་བ་དང་འཕར་ཚད་20.03%ཟིན་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2019-08-09

    ཚན་རྩལ་ལ་བརྟེན་ནས་ཐོན་འཕར་དང་ཚན་རྩལ་ལ་བརྟེན་ནས་ཞིང་དར་ཡོང་བ་བྱ་རྒྱུ་ནི་ས་མཐོའི་ཞིང་འབྲོག་ལས་འཕེལ་རྒྱས་ཀྱི་གལ་ཆེའི་ནང་གི་འགངས་ཆེན་ཞིག་རེད། འདི་ལོ་ལྷོ་ཁ་གྲོང་ཁྱེར་གྱིས་ཧྥེན་ལུང་འདེབས་གསོའི་ལག་རྩལ་ནང་འདྲེན་བྱས་ཏེ་འབྲུ་ཚོད་འདེབས་བྱས་པར་ལོ་ལེགས་བྱུང་བ་རེད།

    ཉིན་ཤས་གོང་། ལྷོ་ཁ་གྲོང་ཁྱེར་གྱིས་ནས་ཧྥེན་ལུང་འདེབས་གསོའི་ལག་རྩལ་གྱི་ཐོན་འབོར་ཚོད་རྩིས་ཞིབ་བཤེར་རྩིས་ལེན་ཚོགས་འདུ་འཚོགས་ཏེ། ཧུའུ་ནན་ཞིང་ལས་སློབ་ཆེན་དང་རང་སྐྱོང་ལྗོངས་ཞིང་འབྲོག་ཚན་རིག་ཁང་སོགས་ཚན་པའི་རིགས་གཅིག་མཁས་ཅན་གདན་ཞུ་བྱས་ཏེ། སྣེ་གདོང་ཆུས་ཁེ་སྨད་གྲོང་ཚོའི་མུའུ་51ལ་ནས་ཧྥེན་ལུང་འདེབས་གསོའི་ལག་རྩལ་དཔེ་སྟོན་ཞིང་ཁར་ཐོན་འབོར་ཚོད་རྩིས་དང་ཞིབ་བཤེར་རྩིས་ལེན་བྱས་པ་རེད།

    ཐོན་འབོར་ཚོད་རྩིས་བྱས་པ་བརྒྱུད། ཧྥེན་ལུང་འདེབས་གསོར་བརྟེན་ནས་བཏབ་པའི་འབྲུའི་ཐོན་ཚད་རྒྱུན་གཏན་བཏབ་པའི་འབྲུ་ལས་ཆ་སྙོམས་མུའུ་རེ་ནས་སྤྱི་རྒྱ་63.6འཕར་བ་དང་འཕར་ཚད་20.03%ཟིན་ཡོད་པ་རེད།

    ཤེས་རྟོགས་བྱུང་བར་གཞིགས་ན། འདི་ལོའི་ཟླ་བ་གསུམ་པར་ལྷོ་ཁ་གྲོང་ཁྱེར་གྱིས་ཧུའུ་ནན་ཞིང་ཆེན་གྱི་ཁ་གཏད་བོད་སྐྱོར་གྱི་ལེགས་ཆར་བརྟེན་ནས“ཧྥེན་ལུང་ཐོན་མཐོའི་འདེབས་གསོ་དང་དཔེ་སྟོན”རྣམ་གྲངས་ལྷོ་ཁ་གྲོང་ཁྱེར་ཞིང་ལས་ལག་རྩལ་ཁྱབ་གདལ་ལྟེ་གནས་སྣེ་གདོང་རྫོང་ཚོད་ལྟའི་རྟེན་གཞིར་ཁྱབ་གདལ་བཏང་ནས་ཧྥེན་ལུང་འདེབས་གསོའི་ལག་རྩལ་རང་ལྗོངས་སུ་དངོས་སུ་ནང་འདྲེན་བྱས་པ་རེད།

    ད་ཐེངས་ཚོད་ལྟ་བྱས་པ་བརྒྱུད། རིགས་གཅིག་མཁས་ཅན་ཚོགས་ཆུང་གིས། ཧྥེན་ལུང་འདེབས་གསོའི་འབྲུ་ཡི་སོག་མའི་ཐོན་ཚད་དང་འབྲུ་རྡོག་ཐོན་ཚད་ཀྱི་ལེགས་ཆ་མངོན་གསལ་ལྡན་པ་མ་ཟད། འབྲུ་རིགས་དང་གཟན་ཆགས་གཉིས་ཀ་འཕར་བ་དང་མ་གནས་གྲོན་ཆུང་དང་ཕན་འཕར་ཐད་ལག་ལེན་གསར་གཏོད་ཀྱི་དོན་སྙིང་གལ་ཆེན་ལྡན་པའི་ངོས་འཛིན་བྱས་པ་རེད།

    ཤེས་རྟོགས་བྱུང་བར་གཞིགས་ན། ཧྥེན་ལུང་འདེབས་གསོའི་ལག་རྩལ་དེར་རང་བྱུང་ཐོན་ཁུངས་སྤྱོད་པའི“རབས་བཞི་པའི་སོ་ནམ་བྱེད་ཐབས”ཞེས་བསྔགས་བརྗོད་བྱེད་ཀྱི་ཡོད། ལག་རྩལ་དེས་འཕྲུལ་ཆས་ཅན་དང་ཚན་རྩལ་ཅན་གྱི་བྱེད་ཐབས་ལ་བརྟེན་ནས་ས་རྒྱུའི་གཏིང་ཚད་དང་དངོས་ཁམས་རིག་པ་དང་རྫས་འགྱུར་རིག་པའི་ངོ་བོ་ནས་ལོ་ཏོག་གི་འཚོ་བཅུད་ལེགས་སུ་གཏོང་བའི་ཐོན་འཕར་བྱེད་ཐབས་ཤིག་དང་ས་རྒྱུ་དང་། རྫས་ལུད། ཆུ། མཁའ་རླུང་སོགས་ཐོན་ཁུངས་ལེགས་སྒྲིག་གིས་སྤྱོད་ཆོག་པ་དང་འབྲུ་རིགས་དཀྱུས་མ་འདེབས་པར་ཡོངས་ཁྱབ་ངང་སྤྱད་ན་འཚམ་པོ་ཡོད་པ་རེད།

    --    --

    འགན་འཁུར་རྩོམ་སྒྲིག་པ། ཚེ་རིང་ཆོས་སྒྲོན།