[ English ] [ 中文 ]
0891-6325020
དབུ་ཤོག>དབུ་ཤོག་ལེ་ཚན།>གལ་ཆེའི་གསར་འགྱུར།
  • བོད་དུ་རྒྱལ་ཡོངས་ཀྱི་གངས་ཤུད་རི་འཛེག་གི་སྤེལ་རེས་ཚོགས་ཆེན་ཐོག་མར་གཉེར་བ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2018-10-09

    ཚེས་5ཉིན་བོད་རང་སྐྱོང་ལྗོངས་ལྷ་ས་གྲོང་ཁྱེར་འདམ་གཞུང་རྫོང་ཡངས་པ་ཅན་གྲོང་རྡལ་གྱི་ནོར་སྟོད་ལར་བོད་ལྗོངས་ནོར་སྟོད་ལའི་རྒྱལ་ཡོངས་གངས་ཤུད་རི་འཛེག་གི་སྤེལ་རེས་ཚོགས་ཆེན་སྐབས་ཐོག་མ་གྲོལ་བ་རེད།

    ད་རེས་ཀྱི་སྤེལ་རེས་ཚོགས་ཆེན་ནི་བོད་ཀྱི་རི་འཛེག་ཚོགས་ཆེན་སྐབས་བཅུ་དྲུག་པའི་གྲས་ཤིག་ཡིན། རི་འཛེག་ཚོགས་ཆེན་གྱིས་2016ལོར་གངས་ཤུད་རི་འཛེག་བྱེད་སྒོ་སྤེལ་བ་དང་། ལོ་སྔོན་མ་དག་ལ་ལྗོངས་ནང་ཁུལ་གྱི་ལུས་རྩལ་པ་དང་དགའ་ཞེན་པ་ཞུགས་མཁན་གཙོ་བོ་ཡིན་ནའང་། ད་ལོར་བྱེད་སྒོ་དེ་རྒྱལ་ཡོངས་རང་བཞིན་གྱི་ཁྱབ་གདལ་དང་འགྲན་བསྡུར་རྣམ་གྲངས་སུ་ཐོག་མར་གྱུར་པ་རེད།

    རྒྱལ་ཁབ་ཕྱི་ནང་གི་ལས་ཞོར་གྱི་གངས་ཤུད་དགའ་ཞེན་པ་30སྤེལ་རེས་ཚོགས་ཆེན་ལ་ཞུགས་པ་དང་། མི་ཁག་གཅིག་དེ་གོང་འགྲན་ལམ་ཐོག་གངས་ཤུད་གློད་མྱོང་བ་ལས་རི་འཛེག་དང་རི་སྟེང་ནས་གངས་ཤུད་གློད་པའི་ཉམས་མྱོང་མེད། སྒྲིག་འཛུགས་ཚན་པས་ཀྲུང་གོའི་རི་འཛེག་མཐུན་ཚོགས་ཀྱི་གངས་ཤུད་རི་འཛེག་རྩལ་འཁྲིད་པ་ཁང་ཧྭ་སོགས་ཚུད་པའི་རྩལ་འཁྲིད་པ་6གདན་ཞུ་བྱས་པ་དང་། ཁོང་ཚོས་བདམས་ཐོན་པ་རྣམས་ས་བབ་མཐོ་པོར་འཕྲོད་རྒྱུར་སྣེ་ཁྲིད་བྱས་པ་མ་ཟད། ATཡར་འཛེག་སོགས་གངས་ཤུད་ཀྱི་ཆེད་ལས་ལག་རྩལ་ལ་ཡང་སྦྱོང་བརྡར་བྱས་པ་རེད། བོད་ལྗོངས་གངས་ཤུད་རུ་ཁག་གི་རུ་མི་6བྱེད་སྒོར་ཞུགས་ནས་སྤྱིར་བཏང་གི་གངས་ཤུད་དགའ་ཞེན་པར་མཛུབ་ཁྲིད་བྱས་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།