[ English ] [ 中文 ]
0891-6325020
དབུ་ཤོག>དབུ་ཤོག་ལེ་ཚན།>ཞབས་ཞུའི་སྐར་ཁུང་།
  • ནད་ཆེན་འགན་བཅོལ་རྩིས་ཞུ་བྱེད་ཚད་60%བར་མཐོ་རུ་གཏོང་མཁན་རེད་འདུག

  • ཡོང་ཁུངས།   བོད་ལྗོངས་ཉིན་རེའི་ཚགས་པར་བོད་ཡིག་སྨྱན་སྦྱོར།    |    རྩོམ་པ་པོ།      |    སྤེལ་དུས།   2019-05-14

    ཉེ་ཆར་རྒྱལ་ཁབ་སྨན་བཅོས་འགན་བཅོལ་ཅུས་ཀྱིས་ནོར་སྲིད་པུའུ་དང་མཉམ་འབྲེལ་ཐོག《2019ལོའི་གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་སྨན་བཅོས་འགན་བཅོལ་ལས་དོན་ཡག་པོ་སྒྲུབ་དགོས་པའི་སྐོར་གྱི་བརྡ་ཐོ》བཀྲམ་ཞིང་། 《བརྡ་ཐོ》ཡི་ནང་། 2019ལོའི་གྲོང་མིའི་སྨན་བཅོས་འགན་བཅོལ་གྱི་མི་རེའི་ཆ་སྙོམས་ནོར་སྲིད་ཁ་གསབ་ཀྱི་ཚད་གཞི་སྒོར་30སྤར་ནས་མི་རེར་ལོ་རེར་སྒོར་520ལས་མི་དམའ་བ་བྱ་རྒྱུ་དང་ནད་ཆེན་འགན་བཅོལ་གྱི་སྲིད་ཇུས་ཁྱབ་ཁོངས་ནང་གི་རྩིས་ཞུ་བྱེད་ཚད་50%ནས་60%བར་མཐོ་རུ་གཏོང་རྒྱུ་ཡིན་ཞེས་གསལ་སྟོན་བྱས་པ་རེད། ལོ་མཇུག་གོང་ས་གནས་ཁག་གི་གྲོང་ཁྱེར་དང་གྲོང་རྡལ་གྱི་གྲོང་མིའི་སྨན་བཅོས་འགན་བཅོལ་དང་གྲོང་གསེབ་ཀྱི་མཉམ་ལས་སྨན་བཅོས་བྱེད་ལམ་གསར་པ་ཚང་མ་བསྡུ་སྒྲིལ་གྱིས་གཅིག་གྱུར་ཐོག་ལག་བསྟར་བྱ་རྒྱུ་རེད།

    གསར་དུ་སྤར་བའི་ནོར་སྲིད་ཀྱི་ཁ་གསབ་ནས་ཕྱེད་ཀ་ནད་ཆེན་འགན་བཅོལ་གྱི་འགན་སྲུང་ནུས་པ་ཆེ་རུ་གཏོང་རྒྱུར་སྤྱོད་རྒྱུ་ཡིན་པ་སྟེ། ནད་ཆེན་འགན་བཅོལ་དེ་2018ལོའི་མི་རེའི་ཆ་སྙོམས་གྲབས་དངུལ་གྱི་ཚད་གཞིའི་ཐོག་སྒོར་15སྤོར་རྒྱུ་རེད། གྲོང་ཁྱེར་དང་གྲོང་གསེབ་ཀྱི་གྲོང་མིའི་སྨན་བཅོས་འགན་བཅོལ་གྱི་མི་སྒེར་གྱིས་སྤྲོད་དགོས་པའི་རིན་པའང་དུས་གཅིག་ཏུ་སྒོར་30སྤར་ནས་མི་རེར་ལོ་རེར་སྒོར་250ཟིན་པ་བྱ་རྒྱུ་རེད།

    ནད་ཆེན་དང་གཅོང་ནད་ཕོག་མཁན་ངོས་ནས་བརྗོད་ན་སྨན་རིན་རྩིས་ཞུ་ཐུབ་ཚད་དེ་བས་མང་དུ་འགྲོ་རྒྱུ་རེད། 《བརྡ་ཐོ》ཡི་ནང་། གསར་སྤར་གྱི་གྲབས་དངུལ་དག་ཕྱོགས་གཅིག་ནས་སྲིད་ཇུས་ཁྱབ་ཁོངས་ནང་གི་སྨན་ཁང་དུ་སྡོད་པའི་སྨན་རིན་རྩིས་ཞུ་བྱེད་ཚད་བརྟན་དུ་དང་མཐོ་རུ་གཏོང་བ་དང་། གྲོང་མི་ཡོངས་ཀྱི་སྨན་བཅོས་འགན་བཅོལ་གྱི་སྒོ་བསྟེན་སྨན་རིན་གཅིག་འདོམས་དང་དེ་བཞིན་གཏོང་སྤྲོད་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་བ། ཁྲག་ཤེད་མཐོ་བ་དང་གཅིན་སྙི་ཟགས་ཁུ་སོགས་དམིགས་གསལ་སྒོ་བསྟེན་ལ་སྤྱོད་པའི་སྨན་དག་སྨན་བཅོས་འགན་བཅོལ་གྱི་རྩིས་ཞུའི་ནང་འཇུག་པ་བཅས་ཀྱི་ཐད་སྤྱོད་རྒྱུ་རེད། ཕྱོགས་གཞན་ཞིག་ནས་ནད་ཆེན་འགན་བཅོལ་གྱི་འགན་སྲུང་ནུས་པ་ཆེ་རུ་གཏོང་བའི་ཐད་སྤྱོད་རྒྱུ་ཡིན་ཞིང་། ཐོག་མའི་གཏོང་སྤྲོད་ཀྱི་ཚད་གཞི་དམའ་རུ་དང་གཅིག་གྱུར་བཟོ་རྒྱུ་ནི་རྩ་དོན་ཐོག་ལོ་གོང་མའི་ལོ་འཁོར་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ཀྱི་50%གཞིར་བཟུང་གཏན་འཁེལ་བྱ་རྒྱུ་དང་། སྲིད་ཇུས་ཁྱབ་ཁོངས་ནང་གི་རྩིས་ཞུ་བྱེད་ཚད་50%ནས་60%བར་མཐོ་རུ་གཏོང་རྒྱུ། མི་འབོར་དབུལ་པོར་གཏོང་སྤྲོད་ཀྱི་གཟིགས་སྐྱོང་བྱེད་ཤུགས་ཆེ་རུ་བཏང་ནས་ཐོག་མའི་གཏོང་སྤྲོད་ཀྱི་ཚད་གཞི་50%དམའ་རུ་དང་གཏོང་སྤྲོད་ཀྱི་ཚད་གཞི་བརྒྱ་ཆའི་གྲངས་5མཐོ་རུ་གཏོང་བའི་རྨང་གཞིའི་ཐོག་ཐོག་མའི་གཏོང་སྤྲོད་ཀྱི་ཚད་གཞི་མཐོ་ཤོས་ཚང་མ་མེད་པ་བཟོ་རྒྱུ་དེ་རེད།

    --    --

    འགན་འཁུར་རྩོམ་སྒྲིག་པ། ཚེ་རྡོར།