[ English ] [ 中文 ]
0891-6325020
དབུ་ཤོག>སྣོད་བཅུད་དང་ཡུལ་སྐོར།>བོད་ལྗོངས་ཡུལ་སྐོར།
  • གནམ་མཚོའི་ཡུལ་སྐོར་མཛེས་ལྗོངས་ཁུལ་གནས་སྐབས་རིང་ཕྱོགས་ཡོངས་ནས་བཀག་སྡོམ་བྱས་པ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2019-11-09

     ཟླ་10ཚེས་31ཉིན་ནས་བཟུང་། གནམ་མཚོའི་ཡུལ་སྐོར་མཛེས་ལྗོངས་ཁུལ་དུ་གངས་བསྟུད་མར་བབས་ནས་གངས་གསོག་ལི་སྨི་18ཙམ་ཐེབས་ཡོད་པ་རེད། ཟླ་11ཚེས་5ཉིན་གསར་འགོད་པར་གནམ་མཚོའི་ཡུལ་སྐོར་མཛེས་ལྗོངས་ཁུལ་གྱི་དོ་དམ་ཁུལ་ནས་ཤེས་རྟོགས་བྱུང་བར་གཞིགས་ན། མིག་སྔར་གནམ་མཚོའི་ཡུལ་སྐོར་མཛེས་ལྗོངས་ཁུལ་གནས་སྐབས་རིང་ཕྱོགས་ཡོངས་ནས་བཀག་སྡོམ་བྱ་རྒྱུ་ཡིན་པ་རེད། 

    ཤེས་རྟོགས་བྱུང་བར་གཞིགས་ན། ཡུལ་སྐོར་བ་མང་པོ་ཞིག་སྒེར་འཁོར་བཏང་སྟེ་བྱང་ལམ་ཆེ་མོ་བརྒྱུད་ནས་སྐྱོད་སྐབས་གངས་ཆེན་བབས་པས་གནམ་མཚོའི་ཉེ་འཁོར་དུ་ལུས་ཡོད་པ་རེད། སྟབས་ལེགས་པར་ད་བར་མི་སྣ་ཤི་རྨས་ཀྱི་གནས་ཚུལ་གཅིག་ཀྱང་ཐོན་མེད། གནམ་མཚོའི་ཡུལ་སྐོར་མཛེས་ལྗོངས་ཁུལ་གྱིས་སྟབས་བསྟུན་འཕྲལ་སྡོམ་གྱི་བྱ་ཐབས་སྤྱད་པ་དང་། འདམ་གཞུང་དང་གནམ་མཚོའི་འགྲིམ་འགྲུལ་ཉེན་རྟོག་རུ་འབྲིང་གི་རུ་མིས་སྣེ་ཁྲིད་དེ་ལམ་གཤོང་བ་དང་ལམ་ངོས་སུ་ཚྭ་གཏོར་བ་སོགས་བྱས་ནས་ཉེན་ཁ་ཆུང་དུ་བཏང་ཡོད། 

    གནམ་མཚོའི་ཡུལ་སྐོར་མཛེས་ལྗོངས་ཁུལ་དོ་དམ་ཁྲུའུ་ཡི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན། མིག་སྔའི་བར་གངས་ཆེན་པོ་བབས་པའི་རྐྱེན་གྱིས་ཡུལ་སྐོར་བ་ཆིག་སྟོང་ཙམ་ལུས་ཡོད། གནམ་ཚོར་སྐྱོད་ཆོག་པའི་དུས་ཚོད་ད་དུང་གཏན་འཁེལ་བྱས་མེད་པས་ཡུལ་སྐོར་བ་ཚོས་གཞུང་ཕྱོགས་ཀྱི་ཆ་འཕྲིན་ལ་དོ་སྣང་བྱེད་དགོས་པའི་དྲན་སྐུལ་བྱས་པ་རེད།

    --    --

    འགན་འཁུར་རྩོམ་སྒྲིག་པ། ཉི་ཆོས།