[ English ] [ 中文 ]
0891-6325020
དབུ་ཤོག>སྣོད་བཅུད་དང་ཡུལ་སྐོར།>བོད་ལྗོངས་ཡུལ་སྐོར།
  • ལྷ་སའི་གསར་བརྗེའི་ཡུལ་སྐོར་མཛེས་ལྗོངས་ཁུལ་ཐོག་མ་དེ་སྤྱོད་འགོ་ཚུགས་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2019-04-02

     ཟླ་3ཚེས་28ཉིན་ལྷུན་གྲུབ་ཞིང་རར་ལྷུན་གྲུབ་རྫོང་གི་ཏང་ཡོན་གྱི་ཏང་གཤིས་སློབ་གསོའི་རྟེན་གཞི་དང་། ལྷུན་གྲུབ་རྫོང་གི་ལས་བྱེད་ཀྱི་སློབ་གསོ་གསོ་སྦྱོང་གི་སློབ་ཁྲིད་རྟེན་གཞི། ལྷུན་གྲུབ་རྫོང་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི། ལྷུན་གྲུབ་རྫོང་མི་རིགས་མཐུན་སྒྲིལ་ཡར་ཐོན་དཔེ་སྟོན་སློབ་གསོའི་རྟེན་གཞི་བཅས་ཀྱི་སྒོ་བྱང་གི་ཡོལ་བ་ཕྱེ་བའི་མཛད་སྒོ་འཚོགས་པ་དེ་ཐོག་ནས་ལྷ་ས་གྲོང་ཁྱེར་གྱི་གསར་བརྗེའི་ཡུལ་སྐོར་མཛེས་ལྗོངས་ཁུལ་ཐོག་མ་དེ་སྤྱོད་འགོ་ཚུགས་པ་མཚོན་ཡོད།

    ཤེས་རྟོགས་བྱུང་བར་གཞིགས་ན། ལྷུན་གྲུབ་ཞིང་ར་ནི་སྐབས་དེ་དུས་གཞོན་ནུ་ཤེས་ཡོན་ཅན་གྱི་ལས་དོན་དང་འཚོ་བ་སྐྱེལ་པའི་བདེན་དཔང་ཞིག་ཡིན་ལ་ལྷུན་གྲུབ་རྫོང་ཞིང་ལས་འཕེལ་རྒྱས་ཀྱི་མཚོན་ཚུལ་ཞིག་ཀྱང་ཡིན་པ་མ་ཟད། ས་གནས་དེ་གའི་ཞིང་པ་ཚོའི་སེམས་ནང་གི་ནོར་བུ་ཞིག་དེ་བས་རེད།

    ལྷུན་གྲུབ་ཞིང་ར་སྲུང་སྐྱོང་བྱ་ཆེད། 2009ལོར་ལྷུན་གྲུབ་ཞིང་རའི་གནའ་ཤུལ་རྫོང་རིམ་པའི་རིག་དངོས་སྲུང་སྐྱོང་ཚན་པར་བདམས་པ་དང་། 2010ལོར་གྲོང་ཁྱེར་རིམ་པའི་རིག་དངོས་སྲུང་སྐྱོང་ཚན་པར་བདམས་པ། 2013ལོར་རང་སྐྱོང་ལྗོངས་རིམ་པའི་རིག་དངོས་སྲུང་སྐྱོང་ཚན་པར་བདམས་ཡོད། 2017ལོའི་ཚུན་དུ། ལྷུན་གྲུབ་རྫོང་གིས་མ་དངུལ་སྒོར་ཁྲི་1500ལྷག་ཙམ་བཏང་སྟེ་ལྷུན་གྲུབ་ཞིང་རའི་གནའ་ཤུལ་དུ་ལྷུན་གྲུབ་རྫོང་གི་ཏང་ཡོན་ཏང་གཤིས་སློབ་གསོའི་རྟེན་གཞི་བསྐྲུན་ཏེ་སྔར་ཡོད་ཀྱི་རྣམ་པ་རྒྱུན་འཁྱོངས་བྱས་པའི་རྨང་གཞིའི་ཐོག་ཚོགས་ཁང་དང་ས་ཕུག་ཉམས་གསོ་བརྟན་གཏོང་དང་རིག་གནས་ཐང་ཆེན་སོགས་ལེ་ལག་ཚང་བའི་སྒྲིག་ཆས་བསྐྲུན་ཡོད།

    ལྷུན་གྲུབ་ཞིང་ར་གསར་བརྗེའི་གནའ་ཤུལ་ཞིག་ཡིན་པའི་ངོས་ནས་ལྷ་ས་གྲོང་ཁྱེར་གྱི་གསར་བརྗེའི་ཡུལ་སྐོར་མཛེས་ལྗོངས་ཁུལ་དང་པོར་འགྱུར་བ་དང་གསར་བརྗེའི་ཡུལ་སྐོར་ཐོན་ལས་གཏོད་རྒྱུར་ལོ་རྒྱུས་དང་དངོས་ཡོད་ཀྱི་དོན་སྙིང་གཏིང་ཟབ་ལྡན་ཡོད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།