[ English ] [ 中文 ]
0891-6325020
དབུ་ཤོག>སྣོད་བཅུད་དང་ཡུལ་སྐོར།>བོད་ལྗོངས་ཡུལ་སྐོར།
  • བོད་ཀྱི་གནས་རི་དང་བླ་མཚོས་བརྗོད་དོན་གཙོ་བོ་བྱས་པའི་སྦྲག་སྲིད་ཅུས་ལས་གཉེར་བྱེད་འགོ་ཚུཌ་པ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2018-06-05

    གསར་འགོད་པར་ཉིན་ཤས་གོང་བོད་ལྗོངས་མངའ་རིས་ས་ཁུལ་སྤུ་ཧྲེང་རྫོང་སྲིད་གཞུང་ནས་ཤེས་རྟོགས་བྱུང་བར། གནས་རི་དང་བླ་མཚོས་བརྗོད་དོན་གཙོ་བོ་བྱས་པའི་སྦྲག་སྲིད་ཅུས་ཤིག་གིས་ཉེ་ཆར་སྤུ་ཧྲེང་རྫོང་དུ་ལས་གཉེར་བྱེད་འགོ་བཙུགས་པ་དང་། དེས་རྒྱ་ཆེའི་ཡུལ་སྐོར་ལ་དགའ་པོ་བྱེད་མཁན་ཚོར་ཁྱད་ལྡན་ཡུལ་སྐོར་དྲན་རྟེན་ཐོན་རྫས་སོགས་ཀྱི་ཞབས་འདེགས་ཞུ་རྒྱུ་རེད།

    གནས་རི་དང་བླ་མཚོས་བརྗོད་དོན་གཙོ་བོ་བྱས་པའི་སྦྲག་སྲིད་ཅུས་དེ་གནས་རི་གྲགས་ཅན་གངས་རིན་པོ་ཆེའི་གཤམ་དུ་གནས་པ་དང་མ་དངུལ་བསྡོམས་སྒོར་ཁྲི་80ཙམ་བཏང་ཞིང་། སྤུ་ཧྲེང་རྫོང་གྲོང་ནས་བར་ཐག་སྤྱི་ལེ་120ཙམ་ཡོད། སྦྲག་སྲིད་ཅུས་དེས་སྦྲག་གསོག་དང་། བསྐུར་ཡིག་ཐོན་རྫས། བོད་ཀྱི་ཁྱད་ལྡན་ཐོན་རྫས། ཡུལ་སྐོར་དྲན་རྟེན་ཐོན་རྫས་སོགས་ཆེད་སྒམ་བཀོད་སྒྲིག་བྱས་ཏེ་རྒྱ་ཆེའི་ཡུལ་སྐོར་ལ་དགའ་པོ་བྱེད་མཁན་ཚོར“ཁྱད་ལྡན་ཕྱིར་ཚོང་+སྦྲག་ཐོག་སྐུར་བ”དང“ཡུལ་སྐོར་དྲན་རྟེན་ཐོན་རྫས་+སྦྲག་ཐམ”སོགས་ཁྱད་ལྡན་ཞབས་འདེགས་ཞུ་རྒྱུ་རེད།

    གངས་རིན་པོ་ཆེའི་ས་བབ་མཐོ་ཚད་སྨི་6656ཡོད་པ་དང་བོད་ལྗོངས་མངའ་རིས་ས་ཁུལ་སྤུ་ཧྲེང་རྫོང་ཁོངས་སུ་གནས་ཤིང་། སངས་རྒྱས་ཆོས་ལུགས་དང་ཧིན་རྡུའི་ཆོས་ལུགས་སོགས་ཀྱིས“གནས་རིའི་གཙོ་བོར”བརྩི་བ་དང་། གངས་རིན་པོ་ཆེའི་ཤར་ལྷོའི་ཁུལ་གྱི་སྤྱི་ལེ་20ཙམ་གྱི་སར་ཡོད་པའི་སངས་རྒྱས་ཆོས་ལུགས་དང་ཧིན་རྡུའི་ཆོས་ལུགས་ཀྱིས“བླ་མཚོར”བཀུར་པའི་མ་ཕམ་གཡུ་མཚོའི་ས་བབ་མཐོ་ཚད་སྨི་4588ཟིན་ཞིང་། རྒྱ་ཁྱོན་སྤྱི་ལེ་ངོས་གྲུ་412ཡོད། གངས་རིན་པོ་ཆེ་དང་མ་ཕམ་གཡུ་མཚོ་ནི་བོད་ཀྱི་གྲགས་ཅན་ཡུལ་སྐོར་གནས་མཆོག་ཡིན་པས་ལོ་ལྟར་ཡུལ་སྐོར་བ་འབོར་ཆེན་འགྲོ་ཡི་ཡོད་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།