[ English ] [ 中文 ]
0891-6325020
དབུ་ཤོག>སྣོད་བཅུད་དང་ཡུལ་སྐོར།>ལྗོངས་ཕྱིའི་ཡུལ་སྐོར།
  • སྟོན་དུས་ཀྱི་ཡུན་ནན་པད་མ་གངས་རིའི་མཛེས་ལྗོངས།

  • ཡོང་ཁུངས།   མི་དམངས་དྲ་བ།    |    རྩོམ་པ་པོ།      |    སྤེལ་དུས།   2021-11-09

    སྟོན་དུས་སུ་ཡུན་ནན་པད་མ་གངས་རིའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དུ་བསྐྱོད་སྐབས་རི་མཐོའི་ཁབ་ལོའི་ནགས་ཚལ་གསེར་མདོག་གྱུར་ཞིང་། ལོ་འཁོར་མོར་མི་ཞུ་བའི་རི་སྟེང་གི་ཁ་བ་ཉི་འོད་འོག་དེ་བས་མཛེས་སྡུག་ལྡན་པར་གྱུར། 

    པད་མ་གངས་རིའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དེ་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་དང་འབའ་ལུང་རྫོང་གཉིས་ཀྱི་ས་ཁོངས་སུ་གནས་པ་དང་དེ་ནི་གོ་ལ་ཧྲིལ་པོའི་སྐྱེ་དངོས་སྣ་མང་ལྡན་པའི་ས་ཁུལ་35ཡི་གྲས་ཤིག་རེད། སྲུང་སྐྱོབ་ཁུལ་དུ་མཐོ་རིམ་རྩི་ཤིང་རིགས་1700ལྷག་དང། འོ་འཐུང་སྲོག་ཆགས་རིགས་100ལྷག འདབ་ཆགས་རིགས་370ལྷག་ཡོད་པས། རང་བྱུང་སྐྱེ་ཁམས་ཁོར་ཡུག་རྙོག་འཛིང་ཆེ་བ་དང་། སྐྱེ་དངོས་ཀྱི་ཐོན་ཁུངས་ཕུན་སུམ་ཚོགས་པ། སྔོ་ཁེབས་རིགས་མང་བ། དཀོན་ཞིང་རྩ་ཆེ་བའི་སྲོག་ཆགས་མང་པོ་ཡོད། དེ་ནི“དུས་རབས་གསུམ་པའི་གནའ་བོའི་ཚ་ཁུལ་གྱི་སྐྱེ་དངོས་ཁུལ་གྱི་ཉེན་གཡོལ་ཁང”ཡིན་ལ“བྱང་དྲོད་ཁུལ་གྱི་སྐྱེ་དངོས་མ་ལག་གི་འབྱུང་གནས”དེ་བས་ཡིན་པས་དེར“འཛམ་གླིང་གི་མེ་ཏོག་ལྡུམ་རའི་མ་གནས”ཞེས་བརྗོད་ཀྱི་ཡོད། དེ་ནི་ཡུན་ནན་གྱི་སྤྲེལ་ཁྲའི་ཁྱུ་ཚོགས་ཁྱབ་ཚུལ་གཅིག་སྡུད་ཆེ་ཤོས་ཀྱི་ས་ཁུལ་ཞིག་ཡིན་ལ་རྒྱལ་ཡོངས་ཀྱི་ཡུན་ནན་སྤྲེལ་སྤུ་སེར་སྲུང་སྐྱོང་ཁུལ་ཆེ་ཤོས་ཤིག་ཀྱང་ཡིན་པས་སྐྱེ་དངོས་སྣ་མང་རང་བཞིན་སྲུང་སྐྱོང་ཐད་དེར་རྒྱལ་སྤྱིའི་སྲུང་སྐྱོང་གི་དོན་སྙིང་ལྡན་ཡོད།

    --    --

    འགན་འཁུར་རྩོམ་སྒྲིག་པ། སྐལ་བཟང་གྲགས་པ།