[ English ] [ 中文 ]
0891-6325020
དབུ་ཤོག>ལོ་རྒྱུས་ས་ཁམས།>ལོ་རྒྱུས་ཡིག་ཚགས།
  • མཆོད་ཡོན་གོང་མའི་སྐབས་བཀྲ་ཤིས་ལྷུན་པོར་ཆོས་གཞིས་འབུལ་སྦྱོར་གྱི་བཀའ་ཤོག་རིན་པོ་ཆེའི་ཞལ་བཤུས།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2016-03-08

    སྤྱི་ཁྱབ་ཨང་༣༥   ༸མཆོད་ཡོན་གོང་མའི་སྐབས་བཀྲ་ཤིས་ལྷུན་པོར་ཆོས་གཞིས་འབུལ་སྦྱོར་གྱི་༸བཀའ་ཤོག་རིན་པོ་ཆེའི་ཞལ་ཤུས་།

    ༈ སྟོབས་ཀྱི་འཁོར་ལོས་བསྒྱུར་བ་བསྟན་འཛིན་ཆོས་ཀྱི་རྒྱལ་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་ཡི་གེ་།

    འཛམ་གླིང་ཡངས་པའི་རྒྱལ་ཁམས་སྤྱི་དང་    བྲེ་བྲག་ཏུ་དབུས་གཙང་རུ་བཞིའི་སའི་ཆར་འཁོད་པའི་ལྷ་སྡེ་མི་སྡེ་  སྡེ་དཔོན་ཆེ་ཕྲན་རྫོང་སྡོད་གཉེར་ལས་འཛིན་  རྒན་མི་དམངས་  བསྡུས་དང་བསྐུལ་བརྡཱ་བྱེད་མི་    བྱ་བ་ཞི་དྲག་གིས་སྣ་མོར་མངགས་པའི་སྐྱེ་འགྲོ་མཐའ་དག་ལ་སྤྲིངས་པ་    བཀྲིས་ལྷུན་པོ་སྤྱི་སོར་ཁྲི་ཁང་ཁུལ་སྡེ་པ་ཚོང་འདུས་པའི་འཛིན་ཞིང་བདག་པ་ཅི་ཡིན་དང་    བྲག་སྐེ་རགས་གི་གླ་ཚལ་    ཞ་ལུ་ན་གྲོང་སྟོད་པའི་སྐྱེ་དམན་ཟུར་ཆོད་ཚེ་གང་རིང་བདག་པའི་གྲང་ཁང་དང་    ལྟོ་སྐལ་འཕྲན་བུ་ཡོད་འདུག་པ་    ད་སྒོས་སྐྱེ་དམན་འདས་ཤུལ་གྱི་འཛིན་བདག་ཅི་ཡིན་དང་    སྡེ་པ་གན་པ་བའི་དབང་རིགས་བདག་ཐོབ་ཅི་ཡིན་དང་    གཅེན་ལུང་ཁུལ་གྱི་གཞུང་སྐྱོང་གང་ཡོད་    རྟ་ནག་རི་ཁུད་ལ་གཏོགས་པའི་ཐུབ་བསྟན་པའི་འཛིན་བདག་གང་ཡིན་རྣམས་དང་   ༸བླ་བྲང་གཞུང་དུ་   གཡང་ལ་གཏོགས་པའི་གཞུང་འཛིན་གང་ཡོད་    རྒྱལ་ཆེན་རྩེ་    འབྱོར་རྒྱས་    རོང་ཚོ་    བཞད་ཕུ་མདའ་རུས་སྡེ་གསུམ་དང་བཅས་པ་    འབྲོག་ར་    བ་རློན་    རྐང་བཞི་    རྡོ་རིང་    མཁར་དར་རྒྱས་    གོང་གསལ་གྱི་མི་གྲ་ཡོངས་འབབས་དང་བཅས་པའི་དབང་རིགས་བདག་ཐོབ་དང་བཅས་པ་རྣམས་    བཀྲིས་ལྷུན་པོ་སྤྱི་    བླ་བྲང་གི་ཆོས་གཞིས་སུ་ཇི་སྲིད་༸བསྟན་པ་རིན་པོ་ཆེ་གནས་ཀྱི་བར་རྐང་འགྲོ་ལག་འདོན་སོགས་གང་ཡང་འཁྲི་མེད་གཙང་སྤྲས་སུ་འབུལ་སྦྱོར་ཞུས་པ་    འདི་ཐད་གཡོ་ཞུས་ཐེལ་འབེབས་སོགས་གནོད་འགལ་ལོག་པར་འགྲོ་བ་གཏན་ནས་མ་བྱེད་པར་བདེ་བར་གནས་ཆུག་    ཅེས་ཆུ་ཕོ་རྟ་ལོ་ཟླ་༤་ཚེས་༡༥ལ་ཕོ་བྲང་ཆེན་པོ་བསམ་དོན་ལྷུན་གྱིས་གྲུབ་པའི་རྩེ་མོ་ནས་བྲིས།  ༸གོང་གསལ་མཆོད་ཡོན་གོང་མ་ནས་རྩལ་བའི་བཀའ་ཤོག་རིན་པོ་ཆེའི་ཞལ་ཤུས་ཞུས་སོང་འཁྲུལ་མེད།

    ༸    གོང་དུ་ཆོས་ཡོན་གོང་མའི་བཀའ་ཤོག་ཕེབས་འདུག་པར་བར་སྐབས་སུ་མ་གནས་པའི་སྐུལ་འཚེར་སྣ་ཚོགས་ཤིག་བྱུང་ཡོད་འདུག་ཀྱང་    ད་དགོས་མཆོད་ཡོན་གོང་མའི་བཀའ་ཤོག་དགོང་དོན་བཞིན་སྒྲུབ་ཆག་འཇགས་གསུམ་གང་ཅི་གོང་བཞིན་ཡིང་བ་གྱིས་  མེ་ཕག་ཟླ་༡་ཚེས་༢༠ལ་སྐྱིད་ན་ཁ་ནས་བྲིས།    ༸གོང་མ་ལྷ་བསངས་ནས་རྒྱབ་གནོན་གནང་བའི་ཞལ་ཤུས་ཞུས་སོང་འཁྲུལ་མེད་།

    (《བོད་ལྗོངས་ཡིག་ཚགས་》འདོན་ཐེངས་ཉེར་གཅིག་ལས་བཏུས།)

    --    --

    འགན་འཁུར་རྩོམ་སྒྲིག་པ། སྐལ་བཟང་གྲགས་པ།