[ English ] [ 中文 ]
0891-6325020
དབུ་ཤོག>ལོ་རྒྱུས་ས་ཁམས།>ལོ་རྒྱུས་ཡིག་ཚགས།
  • ཡོན་རྒྱལ་རྒྱལ་རབས་སྐབས་ཀྱི་ཡིག་ཚགས།(༣)

    ཡེ་སུན་ཐེ་མུར་རྒྱལ་པོས་བཀྲ་ཤིས་དན་གྱི་གྲྭ་པ་རྣམས་ལ་བསྩལ་པའི་ལུང་།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2014-05-09

       



         [མགོའི་ཡི་གེ་ཧྲུལ་ཆད་དུ་སོང་འདུག་]དཔོན།  དམག་མི།  མཁར་གྱི་ད་ར་ཁ་ཆེ།  མི་དཔོན།  འགྲུལ་བྱེད་པ།  སོག་བོད་མི་སྡེ་རྣམས་ལ་ཟློ་བ།

        ཇིང་གིར་རྒྱལ་པོ།  ཨོ་ཁོ་དེའི་རྒྱལ་པོ།  སེ་ཆེན་རྒྱལ་པོ།  ཨོལ་ཇེའི་ཐུ་རྒྱལ་པོ།  ཁུ་ལུག་རྒྱལ་པོ།  བུ་ཡན་ཐུ་རྒྱལ་པོ།  གེ་གན་རྒྱལ་པོ་བཅས་ཀྱི་ལུང་དུ་ཧཱ་ཤང་།  ཨེར་ཁེ་འུན།  སྭེན་ཤྲིང་།  ད་ཤི་མན་རྣམས་ནས་ཁྲལ་ཅི་ཡང་འཇལ་མི་དགོས་པ་དང་།  གནམ་ལ་སྨོན་ལམ་འདེབས།  སྐྱབས་འཇུག་ཞུ་ཞེས་འཁོད་ཡོད་པས།  སྔར་གྱི་ལུང་བཞིན་ཁྲལ་ཅི་ཡང་འཇལ་མི་དགོས་པ་དང་།  གནམ་ལ་སྨོན་ལམ་བཏབ་སྟེ་ངེད་ཚོར་སྐྱབས་འཇུག་ཞུར་བཅུག་བཟླས་ནས་མདོ་ཁམས་བཀྲ་ཤིས་དམ་གྱི་བསོད་ནམས་རྒྱལ་མཚན་དང་འོད་ཟེར་རྒྱལ་མཚན་གྱིས་གཙོས་པའི་གྲྭ་པ་རྣམས་ལ་འཛིན་རྒྱུའི་ལུང་བྱིན་པ་ཡིན། འདི་པ་རྣམས་ལ་དབང་བའི་དགོན་པ་དང་ཁང་གཞིས་སུ་འཚེར་མ་འབབ།  ཟ་མ་འུ་ལག་མ་ལེན།  ཚང་དམ་ཁ་མ་ལེན།  མི་སུ་ཞིག་ཡིན་རུང་དགོན་པར་བདག་པའི་གངས་དཀར།  ཡིད་སྟོན།  སུམ་ཝན།  ཤིང་ཡི།  ཤེར་གེ་སོགས་ཀྱི་ས།  ཆུ།  ཤིང་།  ཕྱེ་འཐག་བྱེད་མཆིག  འགྲུལ་ཁང་།  གདན།  གཏེ་མའི་མཛོད།  ཁྲུས་ཁང་།  མི་ཕྱུགས་སོགས་ཅི་དང་ཅི་ཡིན་པ་རྣམས་མ་འཕྲོག  མ་འཐེན།  ཤེ་མོང་མ་བཙོང་།  འདི་པ་རྣམས་ནས་ཀྱང་འཛིན་རྒྱུའི་ལུང་ཡོད་ཟེར་ནས་ཁྲིམས་དང་འགལ་བའི་བྱ་བ་བྱས་ན་མི་སྐྲག་པ་ཨེ་ཡིན།

        ཐའེ་ཏིང་ཁྲི་ལོ་དང་པོ་བྱི་ལོ (སྤྱི་ལོ་༡༣༢༤ )ཟླ་བ་བཅུ་པའི་ཚེས་ཉི་ཤུ་གསུམ་ཉིན་ཏའི་ཏུར་བྲིས་པའི་ལུང་།

        བོད་རང་སྐྱོང་ལྗོངས་ཡིག་ཚགས་ཁང་དུ་ཉར་ཚགས་བྱས་ཡོད།

        《བོད་ཀྱི་ལོ་རྒྱུས་ཡིག་ཚགས་གཅེས་བསྡུས། 》ལས་བཏུས།

    --    --

    འགན་འཁུར་རྩོམ་སྒྲིག་པ། 系统管理员