[ English ] [ 中文 ]
0891-6325020
དབུ་ཤོག>ལོ་རྒྱུས་ས་ཁམས།>དོན་ཆེན་ལོ་ཚིགས།
  • སྤྱི་ལོ་1129ཤིང་འབྲུག

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2016-10-28

    སྤྱི་ལོ་1129ཤིང་འབྲུག ཉང་རལ་ཉི་མ་འོད་ཟེར། མཚན་གཞན་མངའ་བདག་ཉང་རལ་པ་ནི། ཡབ་ཉང་སྟོན་ཆོས་ཀྱི་འཁོར་ལོ་དང་ཡུམ་པདྨ་བདེ་བ་རྩལ་གཉིས་ཀྱི་སྲས་སུ་ལྷོ་བྲག་གཏམ་ཤུལ་གྱི་བྱེ་བྲག་འཛེད་ས་སེར་དགོན་ཞེས་པར་སྐུ་འཁྲུངས། སྐུ་ཆུང་ངུའི་དུས་སུ་ཡབ་ཀྱི་དྲུང་ནས་ཆོས་འབའ་ཞིག་གསན། དེ་རྗེས་རྒྱ་སྨྱོན་པ་དོན་ལྡན་དང་། ཞིག་པོ་ཉི་མ་སེང་གེ་སོགས་སྐྱེས་ཆེན་དམ་པ་མང་པོའི་དྲུང་ནས་གསང་སྔགས་དང་མཚན་ཉིད་རྒྱ་ཆེར་གསན། སྐུ་ཚེ་ཧྲིལ་པོར་སྒོམ་སྒྲུབ་དང་བཀའ་བསྟན་དུ་མ་འཆད་སྤེལ་མཛད་པས་གྲུབ་མཐའ་རིས་མེད་ཀྱི་དད་ལྡན་སྐྱེ་བོ་ཀུན་གྱིས་བསྔགས་པའི་ཡུལ་དུ་གྱུར། རྙིང་མ་བའི་གཏེར་སྟོན་བརྒྱ་རྩའི་ནང་ནས་རྗེ་འདི་ཉིད་ལ་གཏེར་སྟོན་གོང་མ་དང་། གུ་རུ་ཆོས་དབང་ལ་གཏེར་སྟོན་འོག་མ་ཞེས་སྙན་པའི་མཚན་བཟང་ཕྱོགས་བཞི་ཀུན་ཏུ་ཁྱབ། ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད་སོགས་བསྟན་བཅོས་འབའ་ཞིག་བརྩམས། གུ་རུ་ཆོས་དབང་དང་སྲས་འགྲོ་མགོན་ནམ་མཁའ་དཔལ་བ་སོགས་སློབ་མ་མང་དུ་བསྐྱངས། མཐར་དགུང་གྲངས་དྲུག་ཅུ་རེ་དགུར་གཟུགས་ཀྱི་བཀོད་པ་བསྡུས།

    ཤར་ཡུལ་ཕུན་ཚོགས་ཚེ་རིང་གིས་རྩོམ་སྒྲིག་བྱས་པའི《བོད་ཀྱི་ལོ་རྒྱུས་ཞིབ་འཇུག་ལ་ཉེ་བར་མཁོ་བའི་ལོ་རྒྱུས་དོན་ཆེན་རེའུ་མིག་རྒྱས་པ་ཀེ་ཏ་ཀ་ཞེས་བྱ་བ་བཞུགས་སོ》ཞེས་པ་ལས་བཏུས།

    --    --

    འགན་འཁུར་རྩོམ་སྒྲིག་པ། སྐལ་བཟང་གྲགས་པ།