[ English ] [ 中文 ]
0891-6325020
དབུ་ཤོག>ཚན་སློབ་འཕྲོད་བསྟེན།>སློབ་གསོའི་ལྡུམ་རྭ།>སྐད་ཡིག་སློབ་ཁྲིད།
  • མངོན་བརྗོད་ཀྱི་གོ་དོན་དང་བྱུང་འཕེལ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2016-10-20

    མངོན་བརྗོད་ནི་འཇིག་རྟེན་གྱི་ཆོས་རྣམས་ལྟོས་བཅས་ཀྱིས་ཕན་ཚུན་འདྲ་བ་དང་འབྲེལ་བ། རྒྱུ་འབྲས། རྟེན་དང་བརྟེན་པ། ལྡོག་པ་སོགས་གཏན་ཚིགས་བྱས་ཏེ་ཐ་སྙད་སྣ་ཚོགས་གདགས་པའི་རིག་པ་ཞིག་ལགས་ཤིང་། དེ་ཡང་ཡུལ་རྒྱ་གར་དུ་མེ་དཱི་ནི་ཀ་ར་དང་། པཎྚི་ཏ་དཔལ་འཛིན་སྡེས་མཛད་པའི་《སྣ་ཚོགས་གསལ་བ་》དང་། ཧཱ་རཱ་བ་ལཱི་དང་། དྲག་པོའི་འབངས་ཀྱིས་སྦྱར་བ་སོགས་མང་མཆིས་ཀྱང་འཕགས་མས་རྗེས་སུ་བཟུང་བའི་སློབ་དཔོན་ཆེན་པོ་འཆི་མེད་སེང་གེས་མཛད་པའི་《མངོན་བརྗོད་འཆི་མེད་མཛོད་》ཉིད་མཆོག་ཏུ་གྱུར་པ་ཡིན། དེའི་རྒྱ་འགྲེལ་《རྣམ་བཤད་བདུད་རྩི།》《ཚིག་གི་ཟླ་བ་》གཉིས་ནི་སྒྲ་རིག་པ་《པཱ་ཎི་པའི་》ལུགས་ཀྱི་སྒྲུབ་ལུགས་ལྟར་སྦྱར་བ་ཡིན་ལ། སུ་བྷུ་ཏིས་མཛད་པའི་《འགྲེལ་པ་འདོད་འཇོ་》ནི་《ཙནྡྲ་པའི་》ལུགས་ཀྱི་སྒྲ་སྒྲུབ་ལྟར་སྦྱར་བ་ལགས།

    དེ་ཡང་བོད་དུ་དར་ཚུལ་ནི་ཐོག་མར་བོད་ཀྱི་ལོ་ཆེན་ཤོང་དཔང་རྣམ་གཉིས་ཀྱིས་《སྙན་ངག་མེ་ལོང་མ་》བོད་ལ་བསྒྱུར་ཞུས་འཆད་ཉན་གྱིས་གཏན་ལ་ཕབ་རྗེས། དེའི་རྗོད་བྱེད་ཀྱི་ཉེར་མཁོར་དམིགས་ནས་སློབ་དཔོན་འཆི་མེད་སེང་གེས་མཛད་པའི་《འཆི་མེད་མཛོད་》དང་། སློབ་དཔོན་དཔལ་འཛིན་སྡེས་མཛད་པའི་《སྣ་ཚོགས་གསལ་བ་》སོགས་མངོན་བརྗོད་ཀྱི་གཞུང་དེ་དག་བོད་ཀྱི་ལོ་ཙཱ་བ་ཡར་ལུང་གྲགས་པ་རྒྱལ་མཚན་དང་ཞྭ་ལུ་ཆོས་སྐྱོང་བཟང་པོ། སི་ཏུ་ཆོས་ཀྱི་སྣང་བ་སོགས་ཀྱིས་སྔ་ཕྱིས་སུ་བོད་དུ་བསྒྱུར་ཅིང་གཏན་ལ་ཕབ་པར་བརྟེན་རྒྱ་གཞུང་དེ་དག་རིམ་བཞིན་བོད་ལ་དར་ཞིང་རྒྱས་པར་གྱུར། དེ་ནས་རིན་སྤུངས་ངག་དབང་འཇིག་གྲགས་ཀྱིས་གོང་གསལ་རྒྱ་གཞུང་ལ་དཔྱད་གཞི་བྱས་ཤིང་རང་གི་རིག་གནས་ལ་ཕྱོགས་བསྡོམས་ཀྱིས་ཡོངས་སུ་གྲགས་ཆེ་བའི་《མངོན་བརྗོད་མཁས་པའི་རྣ་རྒྱན་》ཞེས་པ་མཛད་པ་དང་། དེའི་རྗེས་སུ་དངུལ་ཆུ་དྷརྨ་བྷ་དྲས་《མངོན་བརྗོད་ཀྱི་བསྟན་བཅོས་རྒྱ་མཚོའི་ཆུ་ཐིགས་》མཛད། དགེ་སློང་དབང་ཕྱུག་ཆོས་བཟང་གིས་《གྲངས་ཀྱི་མངོན་བརྗོད་ཀྱི་རྣམ་བཤད་》སོགས་མཛད་པ་ནས་བཟུང་བོད་དུ་དར་རྒྱས་བྱུང་ཞིང་། ལྷག་པར་སྙན་ངག་མཛེས་པར་བྱེད་པའི་རིག་པ་ཞིག་ཏུ་གྱུར་ཞིང་བོད་ཡུལ་དུ་མངོན་བརྗོད་ཀྱི་མིང་འདི་ཉིད་བཀོལ་སྤྱོད་བྱེད་སྲོལ་མ་ཉམས་པར་མཆིས་སོ།།

    --    --

    འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།