[ English ] [ 中文 ]
0891-6325020
དབུ་ཤོག>ཚན་སློབ་འཕྲོད་བསྟེན།>སློབ་གསོའི་ལྡུམ་རྭ།>སློམ་མའི་ལེགས་རྩོམ།
  • གཏམ་དཔེ་རྣ་བའི་བུ་རམ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2016-07-12

    སྤོ་བོས་བཤད་ན་སྤོ་བོ་བདེན།

    རྨོ་བོས་བཤད་ན་རྨོ་བོ་བདེན།


    ཕོ་བ་རྒྱགས་ན་དཔའ་གཏམ་མང་།

    ཉི་མ་དྲོ་ན་སྟོང་གཏམ་མང་།


    བྱས་ན་བྱུང་ན་ཡོད་ན་གསུམ།

    དེ་གསུམ་གཏམ་གྱི་ཐ་མ་ཡིན།


    ལྡུམ་བུ་མང་སར་ལོ་ཏོག་ཉུང་།

    ཁ་ལབ་མང་སར་བློ་གྲོས་དཀོན།


    དཔེ་དོན་གའུ་ཁ་སྦྱོར་དགོས།

    ཞྭ་དཔེ་ལྷམ་འགེབས་ག་ལ་འགྲིག


    རྟ་ཤོར་ན་འཛིན་ཐབས་ཡོད།

    ཚིག་ཤོར་ན་འཛིན་ཐབས་མེད།


    ཐག་རིང་གཏམ་དེ་རྒྱང་ཡང་གོ

    ཐག་ཉེའི་གཏམ་དེ་ཐོས་པ་དཀའ།


    ཁག་འཇོག་ས་ཁ་དཀར་རྐྱང་།

    མདའ་འཕེན་ས་བྲེ་སེར་འབྲོང་།


    ཁྲ་ཁྲ་འུག་པའི་སྒྲོ་འདྲ།

    མི་སྙོམས་སོག་ལེའི་སོ་འདྲ།


    ཁ་ལོག་ལ་ཕྱི་ལོག་བྱ་རྒྱུ་མེད།

    ལམ་ལོག་ལ་ཕྱི་ལོག་བྱ་རྒྱུ་ཡོད།


    ཁ་དལ་བས་གང་བྱུང་ཤོད།

    ལུས་ཁོམ་པས་གང་བྱུང་བྱེད།


    ཆུ་དྲོད་འཇམ་གྱིས་ཤ་མི་ཚོས།

    གཏམ་ཉག་ཉོག་གིས་དོན་མི་གོ


    སྐད་ཆ་མང་ན་འཕྱུགས་འགྲོ།

    སྐུད་པ་རིང་ན་ཆད་འགྲོ།


    གོས་གོང་བ་མེད་ན་བཟོ་འཕྲོ།

    ཚིག་རྔ་མ་མེད་ན་ཤོད་འཕྲོ།


    གྲི་རྣོ་མེད་ལག་པར་གཟན།

    གཏམ་དོན་མེད་རྣ་བར་གཟན།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།