[ English ] [ 中文 ]
0891-6325020
དབུ་ཤོག>ཁྲིམས་ལུགས།>ཞི་མཐུན་ས་མཐོ།
  • དམངས་འཚོ་འཕེལ་རྒྱས་ཀྱི་ལེའུ་གསར་པ་བརྩམས།

    2017ལོའི་ལྷོ་ཁ་གྲོང་ཁྱེར་གྱི་ལས་ཞུགས་ལས་གཏོད་འདུ་འགོད་སྐོར་གྱི་སྒྲིལ་གླེང་།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2018-01-09

    0105et11_s.jpg

    འདི་ནི་ལྷོ་ཁ་གྲོང་ཁྱེར་ལས་ཞུགས་ལས་གཏོད་གཞུང་ལས་ཁང་གིས་ལས་གཏོད་གསོ་སྦྱོང་བྱེད་བཞིན་པ། 

    “གསོ་སྦྱོང་ལ་ཞུགས་པ་བརྒྱུད་རྐོ་འདྲུའི་འཕྲུལ་འཁོར་གཏོང་ཤེས་བྱུང་། ད་ཆ་ངས་ཞིང་འབྲོག་པའི་ཨར་ལས་རུ་ཁག་ཏུ་རྐོ་འདྲུའི་འཕྲུལ་འཁོར་གཏོང་གི་ཡོད། ཟླ་རེར་གླ་ཕོགས་ཉུང་ཤོས་སྒོར་4500འདུག་པས་དེ་སྔོན་ལས་ཀ་ཙག་ཙིག་བྱེད་སྐབས་དང་བསྡུར་ན་ཧ་ཅང་ཡག་པོ་འདུག”ཅེས་གོང་དཀར་རྫོང་རྣམ་རྒྱལ་ཞོལ་ཤང་རྒྱང་གཞུང་གྲོང་ཚོའི་གྲོང་མི་ཀུན་བཟང་རྡོ་རྗེས་དགའ་སྤྲོའི་ངང་བརྗོད།

    ལས་ཞུགས་ནི་དམངས་འཚོའི་འདུ་འགོད་ཆེ་ཤོས་ཡིན་ཞིང་། འདི་ལོ་ཚུན་དུ། ལྷོ་ཁ་གྲོང་ཁྱེར་གྱིས་གྲོང་ཁྱེར་དང་གྲོང་གསེབ་ཀྱི་ངལ་རྩོལ་པའི་རྩལ་ནུས་གསོ་སྦྱོང་བྱེད་ཤུགས་ཆེ་རུ་གཏོང་བ་དང་། བཙུགས་མ་ཐག་པའི་ཁེ་ལས་དང་ཁེ་ལས་ཆུང་གྲས་དང་ཆེས་ཆུང་གྲས་འཕེལ་རྒྱས་ལ་རྒྱབ་སྐྱོར་བྱེད་པ་སོགས་ཀྱི་བྱེད་ཐབས་བརྒྱུད། མཐོ་སློབ་སློབ་ཐོན་སློབ་མས་ལས་གཏོད་བྱེད་པ་དང་། གྲོང་ཁྱེར་དང་གྲོང་གསེབ་ཀྱི་ངལ་ནུས་ལྷག་མ་ལས་ཞུགས་གཞན་སྒྱུར་བྱེད་པ། ས་ཞིང་ཤོར་མཁན་དང་ལས་ཀ་ཤོར་མཁན་ཡང་བསྐྱར་ལས་ཞུགས་ཐུབ་པར་བྱེད་པ། ཕུལ་བྱུང་ཞིང་འབྲོག་ན་གཞོན་ཕ་ཡུལ་དུ་ལོག་ནས་ལས་གཏོད་བྱེད་པ་སོགས་ཀྱི་ལས་དོན་གཙོ་གནད་ཐོག་ཡག་པོ་བསྒྲུབས་ནས། དམངས་ཡོངས་མཉམ་དུ་ཕྱུག་འགྱུར་ཐུབ་རྒྱུ་དང་སྤྱི་ཚོགས་ཞི་མཐུན་བརྟན་ལྷིང་ཡོང་བར་རྨང་གཞི་བརྟན་པོ་བཏིང་བ་རེད།

    --    --

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།