[ English ] [ 中文 ]
0891-6325020
དབུ་ཤོག>ཁྲིམས་ལུགས།>ཞི་མཐུན་ས་མཐོ།
  • ལས་གཏོད་ལ་འདེགས་སྐྱོར་བྱས་ནས་ལས་ཞུགས་ལ་སྐུལ་ཁྲིད་བྱས་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2018-01-09

    ལྷོ་ཁ་གྲོང་ཁྱེར་གྱི་ལས་ཞུགས་ལས་གཏོད་གཞུང་དོན་ཁང་གིས་ཐོན་ཁུངས་དང་ཐོན་ལས་ཀྱི་ལེགས་ཆ་འདོན་སྤེལ་བྱེད་པ་དང་། ཞིང་འབྲོག་ཁུལ་གྱི་ཁེ་ལས་ཆུང་གྲས་དང་ཆེས་ཆུང་གྲས་དང་བཙུགས་མ་ཐག་པའི་ཁེ་ལས་འཕེལ་རྒྱས་འགྲོ་རྒྱུར་སྐུལ་འདེད་ཧུར་ཐག་གཏོང་བ། ཞིང་འབྲོག་པ་ཐག་ཉེ་ས་དང་ཡུལ་དེ་གར་ལས་གཏོད་བྱ་རྒྱུར་སྣེ་ཁྲིད་དང་ལས་ཀར་བསྡུ་བ། ཞིང་འབྲོག་པ་ཕ་ཡུལ་དུ་ལོག་ནས་ལས་གཏོད་བྱེད་པའི་སྤྲོ་སེམས་འཕེལ་བར་བྱེད་པ་སོགས་ཀྱི་བྱ་ཐབས་བརྒྱུད། ཞིང་འབྲོག་པའི་ཆེད་ལས་མཉམ་ལས་ཁང་དང་། གྲོང་གསེབ་ཡུལ་སྐོར། ཞིང་འབྲོག་ཐོན་རྫས་ལས་སྣོན་སོགས་ཀྱི་རྣམ་གྲངས་ལ་རྒྱབ་སྐྱོར་བྱས་ཏེ་ཞིང་འབྲོག་ལས་འཕེལ་རྒྱས་འགྲོ་རྒྱུར་སྐུལ་འདེད་བཏང་བས་ལས་གཏོད་འདི་ཉིད་ཞིང་འབྲོག་ལས་མིའི་རང་ངོས་ལས་ཞུགས་དང་ལས་ཞུགས་བསྡུ་ལེན་བྱེད་པའི་ཐབས་ལམ་ནུས་ལྡན་ཞིག་ཏུ་གྱུར་པ་རེད།

    གྲ་ནང་རྫོང་གྲ་ཕྱི་ཤང་གི་ཞིང་ཕན་ཞིང་ལས་ཐོན་རྫས་གསར་སྤེལ་ཚད་ཡོད་ཀུང་སིའི་སྤྱི་ཁྱབ་ཅིང་ལི་ཟླ་བ་དོན་གྲུབ་ཀྱིས“དང་ཐོག་ངས་ལྷ་སར་རང་ཉིད་ཀྱི་ཁེ་ལས་ཤིག་བཙུགས་པ་ཡིན། ཡིན་ནའང་ལྷོ་ཁ་གྲོང་ཁྱེར་གྱིས་ལས་གཏོད་ལས་ཞུགས་ཀྱི་གཟིགས་སྐྱོང་སྲིད་ཇུས་བཏོན་པ་མཐོང་རྗེས་ཕ་ཡུལ་དུ་ལོག་ནས་ཀུང་སི་བཙུགས་པ་དང་མང་ཚོགས་དབུལ་པོ་12ཀུང་སིར་བསྡུས་པ་མ་ཟད། ཁོང་ཚོར་ཀུང་སིའི་རྐང་དབང་གི་10%སྤྲད་པས་ཡུན་རིང་དང་གཏན་འཇགས་ཀྱི་ཡོང་འབབ་བྱུང་ཡོད”ཅེས་བཤད།

    གསོ་སྦྱོང་དང་ལས་ཞུགས་ལ་དམ་འཛིན་བྱས་པ་མ་ཟད། ལྷོ་ཁ་གྲོང་ཁྱེར་ལས་ཞུགས་ལས་གཏོད་གཞུང་དོན་ཁང་གིས་ད་དུང་གནད་སྨིན་དབུལ་སྐྱོར་གོ་སྐབས་སུ་བྱས་ཏེ་ཐབས་ལམ་སྣ་མང་བརྒྱུད། ངལ་རྩོལ་པའི་གཉེར་སྐྱོང་རང་བཞིན་གྱི་ཡོང་འབབ་དང་། གླ་ཕོགས་རང་བཞིན་གྱི་ཡོང་འབབ། གཞན་སྒྱུར་རང་བཞིན་གྱི་ཡོང་འབབ་བཅས་མང་དུ་བཏང་བས་ལས་རིགས་ཁག་གི་ངལ་རྩོལ་པ་ཚང་མར་བྱ་ཐབས་མི་འདྲ་བའི་ཐོག་ནས་བལྟོས་བཅས་ཀྱི་ཡོང་འབབ་བརྟན་པོ་རག་ཡོད་པ་རེད། 

    --    --

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།