[ English ] [ 中文 ]
0891-6325020
དབུ་ཤོག>ཁྲིམས་ལུགས།>རྒྱལ་ནང་གསར་འགྱུར།
  • ཀྲུང་དབྱང་ནག་སེལ་གཤེད་བཅོམ་གྱི་རེས་སྐོར་གཉིས་པ་དང་གསུམ་པའི་ལྟ་སྐུལ་མཛུབ་ཁྲིད་ཀྱི“ཕྱིར་མིག་ལྟ་བའི”ལས་དོན་དངོས་སུ་སྤེལ་འགོ་ཚུགས་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2019-10-29

    ཉེ་ཆར། གསར་འགོད་པར་རྒྱལ་ཡོངས་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་འགོ་ཁྲིད་ཚོགས་ཆུང་གི་གཞུང་དོན་ཁང་ནས་ཤེས་རྟོགས་བྱུང་བར། ཀྲུང་དབྱང་གི་ནག་སེལ་གཤེད་བཅོམ་གྱི་ལྟ་སྐུལ་མཛུབ་ཁྲིད་ཚོགས་ཆུང་17པ་ཟླ་10ཚེས་14ཉིན་ཀོང་ཤིས་ཀྲོང་རིགས་རང་སྐྱོང་ལྗོངས་སུ་བཅའ་སྡོད་བྱས་ཏེ། ལྟ་སྐུལ་མཛུབ་ཁྲིད་ཀྱི“ཕྱིར་མིག་ལྟ་བའི”ལས་དོན་སྤེལ་བ་ལས། ཀྲུང་དབྱང་ནག་སེལ་གཤེད་བཅོམ་གྱི་རེས་སྐོར་གཉིས་པ་དང་གསུམ་པའི་ལྟ་སྐུལ་མཛུབ་ཁྲིད་ཀྱི“ཕྱིར་མིག་ལྟ་བའི”ལས་དོན་དངོས་སུ་སྤེལ་འགོ་ཚུགས་པ་མཚོན་པ་རེད།

    ཤེས་རྟོགས་བྱུང་བར་གཞིགས་ན། ད་ཐེངས་ཀྱི་ལྟ་སྐུལ་མཛུབ་ཁྲིད་ཀྱི“ཕྱིར་མིག་ལྟ་བའི”ལས་འགན་གཙོ་བོ་ནི་ལྟ་སྐུལ་མཛུབ་ཁྲིད་བྱ་ཡུལ་ས་ཁུལ་གྱིས། ཀྲུང་དབྱང་ལྟ་སྐུལ་མཛུབ་ཁྲིད་ཚོགས་ཆུང་གི་ཚུར་ལན་གནད་དོན་གྱི་དག་ཐེར་དོན་འཁྱོལ་གནས་ཚུལ་ལ་ཞིབ་བཤེར་དང་། “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོར་བརྟེན་ནས། འཆལ་རྒྱན་དུག་གསུམ་དང་ནག་གཤེད་ཕྱོགས་གཏོགས་རྒྱ་ཡན་དུ་བཏང་བའམ་འགན་ཤོར་འགན་འཛོལ་དང་ཐ་ན་རྒྱབ་རྩ་བྱས་པའི་ཆེད་དོན་བཅོས་སྒྲིག་དོན་འཁྱོལ་གནས་ཚུལ་ལ་ཞིབ་བཤེར། ཆེད་དོན་འཐབ་རྩོད་བྱེད་རིང་། ཁྲིམས་ལྟར་ཆད་གཅོད་ནན་པོ་དང་། རྒྱབ་རྩ་མེད་པར་བཟོ་བ། ཕྱོགས་བསྡུས་བཅོས་སྐྱོང་། གཞི་རིམ་གྱི་རྩ་འཛུགས་འཛུགས་སྐྱོང་སོགས་ཐད་ཀྱི་ལས་དོན་ལ་ཚད་བརྒལ་གསར་པ་བྱུང་ཡོད་མེད་ལ་ཞིབ་བཤེར། ལྟ་སྐུལ་མཛུབ་ཁྲིད་བྱ་ཡུལ་ས་ཁུལ་ལ་དག་ཐེར་བྱེད་ཐབས་རིམ་པ་བཞིན་ཞིབ་ཚགས་སུ་གཏོང་བ་དང་། དག་ཐེར་འགན་འཁྲི་དོན་འཁྱོལ། དག་ཐེར་དུས་ཚད་གསལ་བཟོ་བཅས་བྱེད་རོགས་བྱས་ནས་དག་ཐེར་གྱི་ཕན་འབྲས་ཆེ་ཤོས་ཐོན་པར་སྐུལ་འདེད་གཏོང་བ་དང་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་རྒྱུན་མཐུད་དང་། གཏིང་ཟབ། སྐྱོན་བྲལ་བཅས་ཀྱི་སྒོ་ནས་སྤེལ་བར་སྐུལ་འདེད་གཏོང་བ་བཅས་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།