[ English ] [ 中文 ]
0891-6325020
དབུ་ཤོག>ཁྲིམས་ལུགས།>རྒྱལ་ནང་གསར་འགྱུར།
  • རང་རྒྱལ་གྱི་སྨན་བཅོས་སྤུས་ཚད་དང་བདེ་འཇགས་ཆུ་ཚད་མཐོ་རུ་མངོན་གསལ་དོད་པོ་ཕྱིན་པ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2019-09-24

    འདི་ལོའི་ཟླ་9ཚེས་17ཉིན་ནི་འཛམ་གླིང་གི་ནད་པའི་བདེ་འཇགས་ཉིན་མོ་ཐོག་མ་རེད། གསར་འགོད་པར་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་ཚེས་16ཉིན་འཚོགས་པའི་གསར་འགྱུར་ཡོངས་བསྒྲགས་ཚོགས་འདུའི་ཐོག་ནས་ཤེས་རྟོགས་བྱུང་བར། ཉེ་བའི་ལོ་ཤས་རིང་། རང་རྒྱལ་གྱི་སྨན་བཅོས་སྤུས་ཚད་དང་བདེ་འཇགས་ཆུ་ཚད་མཐོ་རུ་མངོན་གསལ་དོད་པོ་ཕྱིན་ཏེ། སྨན་ཁང་དུ་བསྡད་པའི་ནད་པ་འཆི་ཚད་དང་ཁྲག་བླུགས་ནས་མ་འཕྲོད་པ་བྱུང་ཚད་སོགས་ནད་པའི་བདེ་འཇགས་རིགས་ཀྱི་སྟོན་གྲངས་མུ་མཐུད་དམའ་རུ་ཕྱིན་ཡོད་པ་རེད།

    འདི་ལོའི་ཟླ་5པར་སུའེ་ཙེར་གྱི་གྲོང་ཁྱེར་རེ་ན་ཝར་འཚོགས་པའི་འཛམ་གླིང་འཕྲོད་བསྟེན་ཚོགས་ཆེན་སྐབས་72པའི་ཐོག་གྲོས་འཆམ་བྱས་པ་བརྒྱུད། ལོ་རེའི་ཟླ་9ཚེས་17ཉིན་དེ་འཛམ་གླིང་གི་ནད་པའི་བདེ་འཇགས་ཉིན་མོར་གཏན་འཁེལ་བྱས་ཤིང་། ནད་པའི་བདེ་འཇགས་ཀྱི་འདུ་ཤེས་བརྒྱུད་བསྒྲགས་བྱེད་པ་དང་གོ་ལ་ཧྲིལ་པོའི་མཐུན་སྦྱོར་མཉམ་ལས་ལ་སྐུལ་འདེད་བཏང་ནས་ཐུན་མོང་ཐོག་ནད་པ་བདེ་འཇགས་ཡོང་ཚད་མཐོ་རུ་གཏོང་རྒྱུ་རེད། ཡོངས་བསྒྲགས་ཚོགས་འདུའི་ཐོག་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་སྨན་སྲིད་སྨན་བཅོས་དོ་དམ་ཅུས་ཀྱི་ཅུས་ཀྲང་གཞོན་པ་ཀྲོའུ་ཁྲང་ཆང་གིས། ནད་པའི་བདེ་འཇགས་ཞེས་པ་ནི་གཙོ་བོ་བརྒྱུད་རིམ་རང་བཞིན་དང་སྔོན་འགོག་རང་བཞིན་གྱི་བྱ་ཐབས་སྤྱད་དེ། སྨན་བཅོས་བྱེད་རིང་དང་དེ་བཞིན་སྨན་ཁང་གི་ཁོར་ཡུག་ཁྲོད་ཀྱི་ཉེན་ཁ་སྣ་ཚོགས་ཐོན་ཚད་དམའ་རུ་བཏང་ནས་ནད་པ་སྨན་ཁང་དུ་སྡོད་རིང་གང་ཐུབ་ཅི་ཐུབ་ཀྱིས་དགོས་མེད་ཀྱི་གནོད་འཚེ་མི་ཕོག་པ་བྱས་ཏེ། ནད་པ་དང་དེ་བཞིན་སྨན་ཁང་ཧྲིལ་པོའི་ཁོར་ཡུག་སྲུང་སྐྱོང་བྱེད་པའི་བདེ་འཇགས་ཀྱི་རྣམ་པར་ཟེར་གྱི་ཡོད་ཅེས་ངོ་སྤྲོད་བྱས་པ་རེད།

    --    --

    འགན་འཁུར་རྩོམ་སྒྲིག་པ། སྐལ་བཟང་གྲགས་པ།