[ English ] [ 中文 ]
0891-6325020
དབུ་ཤོག>ཁྲིམས་ལུགས།>བཅའ་ཁྲིམས་རྒྱུན་ཤེས།
  • ཁྲིམས་འགལ་ངང་མ་དངུལ་བསྡུ་རུབ་བྱས་པའི་ཉེས་གསོག་གི་རྒྱུན་སྤྱོད་བྱ་ཐབས།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2019-06-11

    གཅིག རྐང་དབང་མ་འཇོག་ཐེབས་རྩའི་མིང་ཐོག་ནས་མ་འཇོག་རྣམ་གྲངས་རྫུན་ཉོ་བྱས་ཏེ་སྐྱེད་ཀ་མཐོ་པོ་སྤྲད་ནས་སྤྱི་དམངས་ཞུགས་རྒྱུའི་ཡིད་དབང་འགུགས་པ།

    གཉིས། ཀུང་སིའི་རྐང་འཛིན་ཕྱི་རྒྱལ་གྱི་ཁྲོམ་རར་འདོན་རྒྱུ་རྫུན་མ་བཟོས་ཏེ་མ་འཇོག་མཁན་གྱིས་དེ་སྔའི་རྐང་འཛིན་ཉོ་རྒྱུའི་ཡིད་དབང་བཀུག་ནས་རིན་གོང་མཐོ་པོ་ཡོང་ཐོབ་བྱེད་པ།

    གསུམ། “མ་འཇོག་གི་དངུལ་ལོར་བདག་གཉེར”གྱི་མིང་ཐོག་ནས་དྲིལ་བསྒྲགས་རྫུས་མ་བྱེད་པ།

    བཞི། གསེར་དངུལ་མ་འཇོག་བྱེད་པ་སོགས་ཀྱི་མིང་ཐོག་དང་སྐྱེད་ཀ་མཐོ་བའི་མིང་ཐོག་ནས་སྤྱི་དམངས་ཀྱིས་མ་འཇོག་བྱ་རྒྱུའི་ཡིད་དབང་འགུགས་པ།

    དོགས་ཟོན་བྱེད་ཐབས།

    གཅིག་ནས་བྱེད་པོར་ཐོབ་ཐང་ལྡན་ཡོད་མེད་བལྟ་བ་དང་འབྲེལ་ཡོད་ཁེ་ལས་ཀྱི་བྱ་སྤྱོད་ལ་རྒྱལ་ཁབ་ཀྱི་ཆོག་མཆན་ཐོབ་ཡོད་མེད་དང་ཁྲིམས་དང་མཐུན་མིན་སོགས་བལྟ་དགོས་པ་དང་། གཉིས་ནས་བྱེད་པོའི་ཐོབ་ཐང་བདེན་པ་ཡིན་མིན་བལྟ་བ་དང་འབྲེལ་ཡོད་ཁེ་ལས་དེ་ཁྲིམས་གཏན་འཁེལ་བའི་ཁྲིམས་མཐུན་ཁེ་ལས་ཡིན་མིན་དང་ཁྲལ་དོན་ཐོ་འགོད་སོགས་བྱས་ཡོད་མེད་བལྟ་དགོས། གསུམ་ནས་ཁྲིམས་འགལ་ཉེས་གསོག་གི་ཟིན་ཐོ་ཡོད་མེད་བལྟ་བ་དང་སྨྱན་སྦྱོར་དང་དྲ་སྦྲེལ་གྱི་ཐོན་ཁུངས་བརྒྱུད་འབྲེལ་ཡོད་ཁེ་ལས་ཀྱི་ཁྲིམས་འགལ་ཉེས་གསོག་ཟིན་ཐོ་འཚོལ་ཞིབ་བྱེད་དགོས། བཞི་ནས་བྱ་སྤྱོད་སྤེལ་མཁན་གྱི་ཁས་ལེན་ལ་དབྱེ་ཞིབ་བྱེད་དགོས། མ་འཇོག་གི་ཁེ་བཟང་མཐོ་པོ་ཡོད་པ་ནི་སྤྱིར་མ་འཇོག་གི་རྒྱ་རྙི་ཡིན། ལྔ་ནས་རང་འགུལ་ངང་སྤྱི་བདེ་དང་། བཟོ་ཚོང་། དངུལ་ཁང་ལྟ་སྐུལ་སོགས་ཀྱི་སྡེ་ཚན་ལ་གནས་ཚུལ་སྙན་གསེང་དང་བློ་འདྲི་བྱས་ཏེ་ཁྲིམས་འཛིན་སྡེ་ཚན་གྱི་མཛུབ་ཁྲིད་དང་ཁ་ཏ་བསླབ་བྱ་དང་ལེན་བྱེད་དགོས།

    --    --

    འགན་འཁུར་རྩོམ་སྒྲིག་པ། ཚེ་རྡོར།